జేఈఈ మెయిన్స్‌లో సత్తాచాటిన గిరిజన బాలికలు
రికార్డు కలెక్షన్స్‌తో దూసుకుపోతున్న కిరణ్ అబ్బవరం చిత్రం, 3 రోజుల్లోనే ఎంతంటే..
Published on Mon, 09/19/2022 - 13:27
యంగ్‌ హీరో కిరణ్ అబ్బవరం నటించిన తాజా చిత్రం ‘నేను మీకు బాగా కావాల్సిన వాడిని’. సెప్టెంబర్‌ 16న విడుదలైన ఈ చిత్రం హిట్‌టాక్‌తో దూసుకుపోతోంది. ఎస్‌ఆర్‌ కల్యాణమండపం డైరెక్టర్‌ శ్రీధర్‌ గాదే దర్శకత్వంలో తెరకెక్కిన ఈ చిత్రాన్ని కోడి రామకృష్ణ ప్రథమ కుమార్తె కోడి దివ్య నిర్మించారు. రిలీజైన తొలి షో నుంచే ఈ మూవీ పాజిటివ్‌ టాక్‌ను తెచ్చేకుంది. దీంతో ప్రేక్షకులు ఈ సినిమాకు బ్రహ్మరథం పడుతున్నారు.
చదవండి: మరో ప్రేమకథతో రాబోతున్న ‘సీతారామం’ టీం!, ఆ నిర్మాత క్లారిటీ..
మాస్ ఆడియన్స్‌ని అట్రాక్ట్ చేస్తూ కమర్షియల్ హిట్‌గా కొనసాగుతుంది. కేవలం మూడు రోజుల్లోనే 4.5 కోట్ల గ్రాస్‌ సాధించడం ఈ సినిమా విజయానికి నిదర్శనం అని చెప్పొచ్చు. ఏ బాగ్రౌండ్‌ లేకుండా వచ్చిన ఒక హీరో సినిమా, ఈ స్థాయిలో ఆదరణ పొందడం అంటే మాములు విషయం కాదు. కిరణ్ అబ్బవరం గత చిత్రాలైన రాజా వారు రాణి గారు, ఎస్‌ఆర్‌ కల్యాణమండపంలాగే ఈ చిత్రం కూడా తెలుగు సినిమాకి కొత్త ఉత్సాహాన్ని ఇచ్చింది అని చెప్పొచ్చు.
#
Tags