రిజర్వేషన్లపై క్లారిటీ ఇచ్చిన సీఎం జగన్
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్
విమానంలో పొగలు.. బయటకు దూకుతుండగా ప్రయాణికులకు గాయాలు
ఎస్‌ఆర్‌హెచ్‌ విజయం ఖాయమేనా?
Published on Fri, 10/02/2020 - 19:08
దుబాయ్‌: ఈ ఐపీఎల్‌ సీజన్‌లో భాగంగా సీఎస్‌కేతో మ్యాచ్‌లో సన్‌రైజర్స్‌ హైదరాబాద్‌ టాస్‌ గెలిచి బ్యాటింగ్‌ ఎంచుకుంది. టాస్‌ గెలిచిన ఎస్‌ఆర్‌హెచ్‌ కెప్టెన్‌ డేవిడ్‌ వార్నర్‌ ముందుగా బ్యాటింగ్‌కు మొగ్గుచూపాడు. ఇప్పటివరకూ ఇరుజట్లు మూడేసి మ్యాచ్‌లు ఆడి తలో మ్యాచ్‌లు గెలిచాయి. దాంతో రెండు విజయాన్ని అందుకోవడానికి పూర్తిస్థాయిలో బరిలోకి దిగాయి. సన్‌రైజర్స్‌ ఆడిన గత మ్యాచ్‌లో ఢిల్లీ క్యాపిటల్స్‌పై విజయం సాధించి ఖాతా తెరిచింది. మరో రెండు మ్యాచ్‌ల్లో ఓడింది. ఇక సీఎస్‌కే తాను ఆడిన తొలి మ్యాచ్‌లో ముంబై ఇండియన్స్‌పై గెలిచి శుభారంభం చేయగా, ఆ తర్వాత గెలుపును అందుకోలేకపోయింది. బ్యాటింగ్‌ విభాగంలో పటిష్టంగా లేకపోవడంతో సీఎస్‌కే వరుసగా రెండు మ్యాచ్‌ల్లో పరాజయం చెందింది. దాంతో ఎలాగైనా గెలుపును అందుకోవాలనే కసితో ఉంది. ఈ రోజు మ్యాచ్‌లో అంబటి రాయుడు తిరిగి జట్టులో చేరాడు. ఫిట్‌నెస్‌ లేని కారణంగా గత రెండు మ్యాచ్‌ల్లో ఆడని రాయుడు,..ఎస్‌ఆర్‌హెచ్‌తో తుది జట్టులోకి వచ్చాడు. డ్వేన్‌ బ్రేవో. శార్దూల్‌ ఠాకూర్‌లు కూడా జట్టులోకి వచ్చారు. మురళీ విజయ్‌, రుతురాజ్‌ గైక్వాడ్‌, హజిల్‌వుడ్‌లకు విశ్రాంతినిచ్చారు.
ఇక ఎటువంటి మార‍్పులు లేకుండా పోరుకు సిద్ధమైన ఆరెంజ్‌ ఆర్మీ కూడా విజయపరంపరను కొనసాగించాలనే పట్టుదలతో ఉంది. దాంతో ఇరుజట్ల మధ్య ఆసక్తికర పోరు సాగే అవకాశం ఉంది. ఇరుజట్ల మధ్య ఇప్పటివరకూ 13 మ్యాచ్‌లు జరిగాయి. అందులో సీఎస్‌కే 10 మ్యాచ్‌ల్లో గెలుపొందగా, ఎస్‌ఆర్‌హెచ్‌ మూడింట విజయం సాధించింది. కాగా, ఈ సీజన్‌లో దుబాయ్‌లో ఇప్పటివరకూ తొలుత బ్యాటింగ్‌ చేసిన జట్టే విజయం సాధించింది. దాంతోనే టాస్‌ గెలిచిన వెంటనే డేవిడ్‌ వార్నర్‌ తొలుత బ్యాటింగ్‌కు మొగ్గుచూపడానికి కారణం కావొచ్చు. ఇప్పటివరకూ దుబాయ్‌లో ఆరు ఐపీఎల్‌ మ్యాచ్‌లు జరగ్గా అందులో ముందుగా బ్యాటింగ్‌ చేసిన జట్టుదే విజయం. మరి సన్‌రైజర్స్‌ విజయం ఖాయమేనా.. కాదా అనేది చూడాల్సిందే.(చదవండి: ‘అతనేమీ మ్యాచ్‌ విన్నర్‌ కాదు’)
ఎస్‌ఆర్‌హెచ్‌ ఈ మ్యాచ్‌లో విజయం సాధించాలంటే టాపార్డర్‌లో నలుగురు ఆటగాళ్లు కచ్చితంగా రాణించాల్సిందే. డేవిడ్‌ వార్నర్‌ కనీసం పది ఓవర్ల పాటు క్రీజ్‌లో ఉంటే ఎస్‌ఆర్‌హెచ్‌కు తిరుగుండదు. ఇక బెయిర్‌ స్టో, మనీష్‌ పాండే, విలియమ్సన్‌లు ఆకట్టుకుంటే ఎస్‌ఆర్‌హెచ్‌ బ్యాటింగ్‌లో నిలకడ వస్తుంది. గత మ్యాచ్‌లో బౌలింగ్‌ విభాగంలో ఆకట్టుకుని విజయం సాధించిన ఎస్‌ఆర్‌హెచ్‌.. బ్యాటింగ్‌లో కూడా ఫర్వాలేదనిపించింది. వార్నర్‌, బెయిర్‌ స్టో, విలియమ్సన్‌లు రాణించి జట్టుకు గౌరవప్రదమైన స్కోరును అందించారు. ఇది మనీష్‌ పాండే కూడా గాడిలో పడితే సీఎస్‌కేకు గట్టిపోటీ ఇస్తుంది.
సీఎస్‌కే
ఎంఎస్‌ ధోని(కెప్టెన్‌), షేన్‌ వాట్సన్‌, అంబటి రాయుడు, డుప్లెసిస్‌, కేదార్‌ జాదవ్‌, డ్వేన్‌ బ్రేవో, రవీంద్ర జడేజా, సామ్‌ కరాన్‌, శార్దూల్‌ ఠాకూర్‌, పీయూష్‌ చావ్లా, దీపక్‌ చాహర్‌
ఎస్‌ఆర్‌హెచ్‌
డేవిడ్‌ వార్నర్‌(కెప్టెన్‌), జానీ బెయిర్‌ స్టో, మనీష్‌ పాండే, కేన్‌ విలియమ్సన్‌, అబ్దుల్‌ సామద్‌, అభిషేక్‌ శర్మ, ప్రియాం గార్గ్‌, రషీద్‌ ఖాన్‌, భువనేశ్వర్‌ కుమార్‌, ఖలీల్‌ అహ్మద్‌, టి. నటరాజన్‌
#
Tags