స్టేజ్ పై బాబు, పవన్ పరువు పాయె..!
Breaking News
బిహార్‌లో ఎవ‌రూ ఊహించ‌ని ఫ‌లితాలు
చంద్రబాబు పుడింగి అయితే పొత్తులెందుకు?: సీఎం జగన్
తెలంగాణ సీఎం రేవంత్‌ రెడ్డికి ఢిల్లీ పోలీసుల నోటీసులు
ప్రధాని మోదీపై పిటిషన్‌.. ఢిల్లీ హైకోర్టు కీలక నిర్ణయం
Congress Party: ‘ముస్లిం ఓట్లు కావాలి కానీ.. అభ్యర్థులు అవసరం లేదా?’
జై శ్రీరామ్‌, క్రికెటర్ల పేర్లు రాసిన విద్యార్థుల పాస్‌.. చివరికి ఏమైందంటే!
75 ఏళ్లు వచ్చినా చం‍ద్రబాబులో పశ్చాత్తాపం లేదు: సీఎం జగన్
రైతుల ఉద్యమానికి అవసరమైతే కేసీఆర్‌ నాయకత్వం
Published on Tue, 09/22/2020 - 03:39
సాక్షి, హైదరాబాద్‌: వ్యవసాయ బిల్లును వ్యతిరేకిస్తూ రైతులు చేస్తున్న ఉద్యమానికి అవసరమైతే ముఖ్యమంత్రి కె.చంద్రశేఖరరావు నేతృత్వం వహిస్తారని రాష్ట్ర పశుసంవర్థక శాఖ మంత్రి తలసాని శ్రీనివాస్‌ యాదవ్‌ అన్నారు. బిల్లును రైతాంగం వ్యతిరేకిస్తున్నా రాజ్యసభలో చర్చించకుండా మూజువాణి ఓటుతో ఆమోదించడాన్ని తలసాని ప్రశ్నించారు. ప్రభుత్వ విప్‌ ఎం.ఎస్‌.ప్రభాకర్, హైదరాబాద్‌ నగర ఎమ్మెల్యేలు కాలేరు వెంకటేశ్, ముఠా గోపాల్, మాగంటి గోపీనాథ్‌తో కలిసి సోమవారం అసెంబ్లీ మీడియా పాయింట్‌ వద్ద ఆయన మీడియాతో మాట్లాడారు. రైతులతో పెట్టుకున్న వారెవరూ బాగుపడలేదని, బిల్లును వ్యతిరేకిస్తూ అకాళీదల్‌కు చెందిన కేంద్ర మంత్రి రాజీనామా చేసినా కేంద్రం పట్టించుకోలేదన్నారు. ఉపరాష్ట్రపతి వెంకయ్యనాయుడుకు కూడా వ్యవసాయ బిల్లు ఇష్టం లేనందునే సోమవారం సభలో లేరని శ్రీనివాస్‌ యాదవ్‌ చెప్పారు. మతం, కాశ్మీర్‌ పేరిట బీజేపీ చేస్తున్న రాజకీయాలు సాగబోవని, దేశంలో విప్లవం మొదలైందని హెచ్చరించారు.
డెయిలీ సీరియల్‌లా మాట్లాడం
డబుల్‌ బెడ్రూం ఇళ్లపై కాంగ్రెస్ నేతల విమర్శలపై డెయిలీ సీరియల్‌లా మాట్లాడదలుచుకోలేదని మంత్రి అన్నారు. హైదరాబాద్‌లో స్థలం లేనందునే నగర శివార్లలోని 111 ప్రాంతాల్లో ఇళ్లు నిర్మిస్తున్నామన్నారు. డబుల్‌ బెడ్రూం ఇళ్ల నిర్మాణ ప్రక్రియ నిరంతరం కొనసాగుతుందన్నారు. అసెంబ్లీ ఎదుట ఇటీవల ఆత్మహత్య చేసుకున్న నాగులు కుటుంబాన్ని ప్రభుత్వం ఆదుకుంటుందని మంత్రి తెలిపారు.
#
Tags