విజయవాడ: ‘అర్జున్ రెడ్డి’ సినిమా ప్రదర్శనను నిలిపివేయాలంటూ విజయవాడలో మహిళా సంఘాలు ఆందోళనకు దిగాయి. నగరంలోని గాంధీనగర్ లో అర్జున్ రెడ్డి సినిమా ప్రదర్శిస్తున్న థియేటర్ల వద్ద ఏపీ మహిళా సమాఖ్య, మహిళా కాంగ్రెస్ ఆధ్వర్యంలో ధర్నా నిర్వహించారు.
థియేటర్ ల ముందు కట్డిన ఫ్లెక్సీలను చించివేశారు. అశ్లీలత, అసభ్యతతో కూడిన ఈ సినిమాను తక్షణం నిషేధించాలని డిమాండ్ చేశారు. ఆందోళన నిర్వహిస్తున్న ఏపీ మహిళా సమాఖ్య రాష్ట్ర ప్రధాన కార్యదర్శి దుర్గాభవాని సహా పలువురు మహిళలను పోలీసులు అదుపులోకి తీసుకుని, స్టేషన్ కు తరలించారు.
