న్యూఢిల్లీ: జీఎంఆర్ ఆధ్వర్యంలోని ఢిల్లీ ఇంటర్నేషనల్ ఎయిర్‌పోర్ట్ లిమిటెడ్ (డీఐఏఎల్) తాజాగా మరో ఘనతను సొంతం చేసుకుంది. డీఐఏఎల్ కార్బన్ అక్రిడిటేషన్‌ను ‘లెవల్ 3+, తటస్థ స్థితి’కి ఎయిర్‌పోర్ట్ కౌన్సిల్ ఇంటర్నేషనల్ అప్‌గ్రేడ్ చేసింది. ఆసియా పసిఫిక్ ప్రాంతంలో కార్బన్ తటస్థ స్థితిని పొందిన తొలి విమానాశ్రయం డీఐఏఎల్ అని సంస్థ ఓ ప్రకటన లో తెలిపింది. ఇందుకు సంబంధించిన ధ్రువీకరణ సర్టిఫికెట్‌ను డీఐఏఎల్ సీఈవో ఐ ప్రభాకర్‌రావు కెనడాలోని మాంట్రియల్‌లో మంగళవారం జరిగిన కార్యక్రమంలో స్వీకరించారు.
