అతనికి సహకరించింది సోని.. అదుపులో ‘ఆగంతుకుడు’

24 Aug, 2019 10:26 IST|Sakshi

సెల్‌ఫోన్ల చోరీ కోసమే లేడీస్‌ హాస్టల్‌లోకి ప్రవేశం

ప్రధాన నిందితుడు రమేష్, సహకరించింది సోని

రెండో వ్యక్తిని పట్టుకున్న టాస్క్‌ఫోర్స్‌ పోలీసులు

తార్నాక: ఉస్మానియా యూనివర్శిటీలో లేడీస్‌ హాస్టల్‌లో ప్రవేశించింది పాత నేరస్తుడు పొట్టేళ్ళ రమేష్‌గా తేలింది. పలు చోరీ కేసుల్లో నిందితుడిగా ఉన్న ఇతడిని రాచకొండ పోలీసులు గురువారం ఉదయం అదుపులోకి తీసుకున్నారు. హాస్టల్‌లో చోరీకి అతడికి సహకరించిన మరో నిందితుడు సోనీని ఈస్ట్‌జోన్‌ టాస్క్‌ఫోర్స్‌ పోలీసులు గురువారం  రాత్రి పట్టుకున్నారు. ఈ ఉదంతం నేపథ్యంలో లేడీస్‌ హాస్టల్‌కు భద్రతకు సంబంధించి కట్టుదిట్టమైన చర్యలు తీసుకుంటున్నామని నగర పోలీసు కమిషనర్‌ అంజనీకుమార్‌ శుక్రవారం ప్రకటించారు. ఈ ద్వయం ఓయూ హాస్టల్‌లోకి ప్రవేశించడానికి కొద్దిసేపటి ముందు అదే పరిధిలో మరో సెల్‌ఫోన్‌ చోరీ చేసినట్లు పోలీసులు తేల్చారు. మహబూబ్‌నగర్‌ జిల్లా, వెల్దండకు చెందిన పొట్టేళ్ళ రమేష్‌ నగరానికి వలసవచ్చి బీఎన్‌ రెడ్డి నగర్‌లో ఉంటున్నాడు. వృత్తిరీత్యా కూలీ అయినా ఇతడి ప్రవృత్తి మాత్రం ఇళ్ళల్లో చోరీలు చేయడం. ఇప్పటికే ఇతడిపై మూడు కమిషనరేట్లలో పలు కేసులు నమోదయ్యాయి. మీర్‌పేట పోలీసులు పీడీ యాక్ట్‌ ప్రయోగించారు. రమేష్‌ తనకు జైల్లో పరిచయమైన కాచిగూడ వాసి సన్నీ అలియాస్‌ సోనీతో కలిసి కొన్ని నేరాలు చేశాడు. సన్నీపై ముషీరాబాద్, నారాయణగూడ, సుల్తాన్‌బజార్‌ పరిధుల్లో అక్రమ మద్యం కేసులు ఉన్నాయి. నారాయణగూడ ఎౖMð్సజ్‌ పోలీసులు ఇతడిపై పీడీ యాక్ట్‌ ప్రయోగించారు. వీరద్దరూ కలిసి ఈ నెల 15 రాత్రి దొంగతనాలకు బయలుదేరారు. 16 తెల్లవారుజామున  జామై ఉస్మానియా వద్ద ఉన్న గుడిసెల వద్దకు వెళ్ళారు.

సోనీ బయటే ఉండిపోగా రమేష్‌ లోపలకు వెళ్ళి ఓ సెల్‌ఫోన్‌ పట్టుకుని వచ్చి అతడికి అప్పగించాడు. అక్కడి నుంచి వీరిద్దరూ నేరుగా ఉస్మానియా వర్శిటీ ప్రాంగణంలోకి చేరుకున్నారు. లేడీస్‌ హాస్టల్‌ భవనానికి ప్రాంతంలో కంచె సరిగ్గా లేకపోవడం రమేష్‌కు కలిసి వచ్చింది. అక్కడ ఉన్న ఓ చెట్టు సాయంతో గోడ దూకిన అతను లేడీస్‌ హాస్టల్‌ బాత్‌రూమ్‌లోకి ప్రవేశించాడు. అక్కడి నుంచి లోపలకు వెళ్ళి ఓ సెల్‌ఫోన్‌ తస్కరించాడు. తిరిగి బాత్‌రూమ్‌ ద్వారానే బయటకు వచ్చే ప్రయత్నం చేస్తుండగా... అటుగా వచ్చిన ఓ విద్యార్థిని కంట పడ్డాడు. అతడిని పట్టుకోవడానికి ఆమె ప్రయత్నించడంతో పెనుగులాట జరిగి దాడి చేశాడు. వచ్చిన దారిలోనే పరారైన రమేష్‌ రెండో సెల్‌ఫోన్‌ను సోనికి ఇచ్చాడు. ఈ ఉదంతంపై ఉస్మానియా యూనివర్శిటీ ఠాణాలో కేసు నమోదు కావడంతో ఈస్ట్‌జోన్‌ టాస్క్‌ఫోర్స్‌ పోలీసులు రంగంలోకి దిగారు. అయితే అప్పటికే రాచకొండలో జరిగిన అనేక చోరీ కేసుల్లో రమేష్‌ ప్రమేయం ఉంది. వివిధ ఘటనాస్థలాల్లో దొరికిన వేలిముద్రలు అతడే నేరాలు చేసినట్లు నిరూపించాయి. దీంతో రమేష్‌ కోసం మూడు నెలలుగా ముమ్మరంగా గాలిస్తున్న సరూర్‌నగర్‌ సీసీఎస్‌ పోలీసులు గురువారం ఉదయం అతడిని అదుపులోకి తీసుకున్నారు. మరోపక్క ఓయూ కేసు దర్యాప్తు చేస్తున్న టాస్క్‌ఫోర్స్‌ పోలీసులు గురువారం రాత్రి సోనిని పట్టుకున్నారు. ఇతడి నుంచి మూడు చోరీ ఫోన్లను స్వాధీనం చేసుకున్న అధికారులు రమేష్‌ కోసం ఆరా తీయగా, అతడు రాచకొండ పోలీసుల అదుపులో ఉన్నట్లు తేలింది. ప్రస్తుతం అతడు చేసిన నేరాలకు సంబంధించిన రికవరీలు చేయడంపై  అధికారులు దృష్టిపెట్టారు. త్వరలో రమేష్‌ను అధికారికంగా రాచకొండ పోలీసులు అరెస్టు ప్రకటించనున్నారు. ఆపై ఉస్మానియా వర్శిటీ పోలీసులు అతడిని పీటీ వారెంట్‌పై తీసుకువచ్చి ఓయూ లేడీస్‌ హాస్టల్‌ కేసులో అరెస్టు చూపించనున్నారు. 

Read latest Crime News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

గుట్టుగా లింగనిర్ధారణ పరీక్షలు

21 ఏళ్ల జైలు జీవితం.. తర్వాత నిర్దోషిగా తీర్పు

బీజేపీ నేత కుమారుడు లండన్‌లో మిస్సింగ్‌

ఈర్ష్యతోనే కార్లు, బైక్‌లు దహనం

దారుణం: యువతిపై అత్యాచారం, హత్య

16 రాష్ట్రాలకు చెందిన 600 మంది యువతులతో..

కీచక తండ్రికి కటకటాలు

పాత రూ.500 నోటు ఇస్తే రూ.50 వేలు..

శ్రీకృష్ణుడి జన్మ స్థలానికి కి‘లేడీ’

నెలలు గడిచినా వీడని మిస్టరీ!

సొంత కూతుర్నే కిడ్నాప్‌.. అమ్మకం..!

కోడెల తనయుడి షోరూంలో అసెంబ్లీ ఫర్నిచర్‌

తల ఒకచోట.. మొండెం మరోచోట 

అటెన్షన్‌ డైవర్షన్‌ గ్యాంగ్‌ అరెస్ట్‌

ఓయూ లేడిస్‌ హాస్టల్‌ ఆగంతకుడు అరెస్ట్‌

పరిశోధన పేరుతో కీచక ప్రొఫెసర్‌ వేధింపులు..

వందలమంది యువతుల్ని మోసం చేశాడు...

బెజవాడలో తొట్టి గ్యాంగ్ గుట్టు రట్టు...

బిడ్డ నాకు పుట్టలేదు; నా దగ్గర డబ్బులేదు!

ఘాతుకం: నిద్రిస్తున్న వ్యక్తి తలపై..

కూతురి వ్యవహారంపై తండ్రిని దారుణంగా..

మరోసారి బట్టబయలైన కోడెల పన్నాగం

పదోన్నతి పొంది.. అంతలోనే విషాదం

ఏసీబీ దాడుల కలకలం

బంగారం దుకాణంలో భారీ చోరీ!

సోషల్‌ మీడియాలో చూసి హత్యకు పథకం

బంగ్లాదేశ్‌ వ్యభిచార ముఠా గుట్టు రట్టు

ఏసీబీ వలలో బాచుపల్లి తహసీల్దార్‌

లైంగిక దాడి కేసులో నిందితుల రిమాండ్‌

ఆంధ్రప్రదేశ్
తెలంగాణ
సినిమా

‘హవా’ చూపిస్తోంది : హీరో చైతన్య

బల్గేరియా వెళ్లారయా

‘ఏదైనా జరగొచ్చు’ మూవీ రివ్యూ

యాక్షన్‌ రాజా

పగ ఎత్తు ఎంతో చూపిస్తా

విద్యావంతురాలు