హైదరాబాద్‌: సినిమా పరిశ్రమలో జూనియర్ ఆర్టిస్ట్‌గా పనిచేస్తున్న హీనా కౌషార్‌ (25) అనే యువతి అదృశ్యమైంది. ఈ ఘటన హఫీజ్‌ నగర్‌లోని యుక్త్‌పురాలో మంగళవారం చోటుచేసుకుంది. పోలీసుల కథనం ప్రకారం.. ఈ రోజు ఉదయం 8 గంటల ప్రాంతంలో హీనా కౌషార్‌.. తన ముగ్గురి పిల్లలను ఎప్పటిలానే స్కూల్‌కు తీసుకెళ్లింది. ఆ తరువాత ఆమె ఇంటికి తిరిగి రాలేదు. ఈ నేపథ్యంలో హీనా కుటుంబ సభ్యులు రెయిన్‌ బజార్‌ పోలీస్‌ స్టేషన్‌లో ఫిర్యాదు చేశారు.
కుటుంబ సభ్యుల ఫిర్యాదు మేరకు పోలీసులు మిస్సింగ్‌ కేసు నమోదు చేసి దర్యాప్తు చేపట్టారు. కాగా, అదృశ్యమైన జూనియర్ ఆర్టిస్ట్ హీనాను ఎవరైనా గుర్తించిన యెడల ఈ కింది ఫోన్‌ నంబర్లు 040- 27854781, 8333900125, 9490616268, 9490616360 (రెయిన్‌ బజార్‌ పోలీస్‌ స్టేషన్‌) కు సమాచారం అందించాలంటూ పోలీసులు ఒక ప్రకటనలో తెలిపారు.
సమాచారం అందించాల్సిన రెయిన్‌ బజార్‌ పీసీ ఫోన్‌ నంబర్లు ఇవే..
- 040- 27854781
- 8333900125
- 9490616268
- 9490616360
