బాగ్దాద్‌: తమను ఎవరూ ఏం చేయలేరని ఉగ్రవాద సంస్థ ఇస్లామిక్ స్టేట్ పేర్కొంది. ఇస్లామిక్ స్టేట్ను బలహీనం చేయాలని ప్రయత్నించి విఫలమయ్యాయని వివరించింది. ఈ మేరకు ఆ సంస్థ చీఫ్ అబూబక్ అల్ బాగ్దాదీ ఓ ఆడియో టేపును విడుదల చేశాడు. దీని ప్రకారం 'రష్యా, అమెరికా, దాని అనుబంధ దేశాలు మమ్మల్ని బలహీనం చేయాలని వైమానిక దాడులు జరిపి విఫలమయ్యాయి.
మాకు విశ్వాసం ఉంది. దేవుడిని ఎవరు కొలుస్తారో వారినే విజయం వరిస్తుందని. ఈ సందర్భంగా మీకు ఓ మంచి విషయాన్ని చెబుతున్నాను. మా రాజ్యం గొప్పపనిచేస్తుంది. మాకు వ్యతిరేకంగా పనిచేసే ఎవరిపైనైనా స్వచ్ఛంగా యుద్ధానికి సిద్ధమవ్వాలని నిర్ణయించింది. మమ్మల్ని ఎదుర్కొనేవారికి మరింత గడ్డుగా మారుతాం' అని ఆ ఆడియోలో బాగ్దాదీ చెప్పినట్లు ఉంది.
