విజయ్‌ ‘బిగిల్‌’ ట్రైలర్‌ వచ్చేసింది!

12 Oct, 2019 19:04 IST|Sakshi

త‌మిళ బడా స్టార్ విజ‌య్‌ తాజా సినిమా ‘బిగిల్’ ట్రైలర్‌ తాజాగా విడుదలైంది. స్పోర్ట్స్ బ్యాక్ డ్రాప్‌లో తెర‌కెక్కిన ‘బిగిల్’  సినిమా దీపావళి సందర్భంగా ఈ నెల 27న విడుదల కానుంది. ఈ సినిమాలో విజయ్‌ ఫుట్‌బాల్‌ కోచ్‌గా కనిపిస్తుండగా ఆయన సరసన న‌య‌న‌తార క‌థానాయిక‌గా న‌టిస్తున్నారు. బాలీవుడ్ న‌టుడు జాకీ ష్రాఫ్ కీలక పాత్ర పోషిస్తున్న ఈ సినిమాకు సంగీతం ఏఆర్ రెహ‌మాన్.. ఈ సినిమాలో ఫుట్‌బాల్‌ ప్లేయర్‌గా, కోచ్‌గా విభిన్నమైన షేడ్స్‌తో విజ‌య్ కనిపించనున్నట్టు తెలుస్తోంది. పూర్తి మాస్‌ యాక్షన్‌ థ్రిలర్‌గా విజయ్‌ ఫ్యాన్స్‌కు పండుగ బొనాంజాలా సినిమా ట్రైలర్‌ ఉంది.  అట్లీ ద‌ర్శ‌క‌త్వంలో బిగిల్‌ తెరకెక్కింది. విజ‌య్ - అట్లీ కాంబినేష‌న్‌లో గతంలో వ‌చ్చిన తెరీ, మెర్స‌ల్ సినిమాలు భారీ విజ‌యం సాధించాయి.

మరిన్ని వార్తలు