సాక్షి, హైదరాబాద్‌ : ‘అల్లరి’ సినిమాతో ప్రసిద్ధి పొందిన సీనియర్‌ నటి సుభాషిణీ తీవ్ర కష్టాల్లో ఉన్నారు. గత కొంతకాలంగా క్యాన్సర్‌ వ్యాధితో ఆమె బాధపడుతున్నారు. ఆమె కష్టాల గురించి తెలుసుకున్న సీనియర్‌ హీరో, మెగాస్టార్‌ చిరంజీవి స్పందించారు. ఆమె అనారోగ్యం గురించి తెలుసుకొని.. రూ. 2 లక్షల ఆర్థిక సాయాన్ని అందజేశారు. చిరంజీవి చిన్న కూతురు శ్రీజ బుధవారం స్వయంగా సుభాషిణి ఇంటికి వెళ్లి.. ఆమెకు రూ. రెండు లక్షలు అందజేశారు. కష్టాల్లో ఉన్న సీనియర్‌ నటికి చిరంజీవి సాయం అందించడంపై సోషల్‌ మీడియాలో పలువురు ప్రశంసిస్తున్నారు.
