ఇండియన్‌ పీనల్‌ కోడ్‌ సెక్షన్స్‌ను తెలుసుకునే పనిలో బిజీగా ఉన్నారు కథానాయిక మంజిమా మోహన్‌. కోర్టులో లాయర్‌గా వాదించనున్నారు. ‘ఎఫ్‌.ఐ.ఆర్‌’ (ఫైజల్‌ ఇబ్రహీమ్‌ రైజ్‌) అనే సినిమాలో ఆమె లాయర్‌గా కనిపించనున్నారు. మను ఆనంద్‌ దర్శకత్వంలో విష్ణు విశాల్‌ హీరోగా ఈ తమిళ చిత్రం తెరకెక్కుతోంది. ఇటీవల ఈ సినిమా ఫస్ట్‌ లుక్‌ను విడుదల చేశారు. అనుకోని పరిస్థితుల కారణంగా పోలీసుల చేతిలో చిక్కిన ఓ ముస్లిం యువకుడి నేపథ్యంలో ఈ సినిమా సాగుతుంది. జూనియర్‌ అడ్వకేట్‌గా మంజిమా నటిస్తున్నారు. ఈ సంగతి ఇలా ఉంచితే.. తెలుగులో నాగచైతన్య నటించిన ‘సాహసం శ్వాసగా సాగిపో’ చిత్రంలో మంజిమా మోహన్‌ కథానాయికగా నటించిన విషయం గుర్తుండే ఉంటుంది.
