ఈ శంకర్‌ ఇస్మార్ట్‌

4 Jan, 2019 04:01 IST|Sakshi
రామ్‌

‘హలో గురు ప్రేమకోసమే’ వంటి హిట్‌ సినిమా తర్వాత రామ్‌ నటించనున్న చిత్రంపై ఇటీవల క్లారిటీ వచ్చిన విషయం తెలిసిందే. పూరి జగన్నాథ్‌ దర్శకత్వంలో రామ్‌ హీరోగా ఓ సినిమా రూపొందనుంది. పూరి కనెక్ట్స్‌ సహకారంతో పూరి జగన్నాథ్‌ టూరింగ్‌ టాకీస్‌ బ్యానర్‌పై పూరి జగన్నాథ్, చార్మి కౌర్‌ సంయుక్తంగా నిర్మించనున్న ఈ చిత్రానికి ‘ఇస్మార్ట్‌ శంకర్‌’ అనే టైటిల్‌ ప్రకటించారు. అలాగే గురువారం ఈ సినిమా ఫస్ట్‌ లుక్‌ కూడా విడుదల చేశారు. ఈ చిత్రంలో ఇస్మార్ట్‌ శంకర్‌ పాత్రలో రామ్‌ కనిపించనున్నారు. పూరి స్టైల్‌కి, రామ్‌ ఎనర్జీకి తగ్గట్టుగా టైటిల్‌ మాసీగా ఉంది కదూ. యాక్షన్‌ ఎంటర్‌టైనర్‌గా తెరకెక్కనున్న ఈ సినిమా కోసం రామ్‌ పూర్తిగా మేకోవర్‌ అయ్యారు. ఆయన లుక్‌ ఆకట్టుకుంటోంది‘‘ఈ నెలలోనే రెగ్యులర్‌ షూటింగ్‌ మొదలు కానుంది. వీలైనంత త్వరలో సినిమాకు సంబంధించిన ఇతర వివరాలను తెలియజేస్తాం’’ అని దర్శక, నిర్మాతలు తెలిపారు.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా