తనిష్క్‌ రెడ్డి, మేఘ్లా ముక్తా జంటగా శివగణేష్‌ దర్శకత్వంలో తెరకెక్కిన చిత్రం ‘సకల కళా వల్లభుడు’. ‘సుబ్రమణ్యపురం’ నిర్మాత బీరం సుధాకర్‌ రెడ్డి సమర్పణలో సింహా ఫిలింస్, దీపాల ఆర్ట్స్‌ పతాకాలపై అనిల్, త్రినాథ్, కిషోర్, శ్రీకాంత్‌ నిర్మించిన ఈ సినిమా ఫిబ్రవరి 1న విడుదల కానుంది. ఈ సందర్భంగా చిత్రనిర్మాతలు మాట్లాడుతూ– ‘‘అవుట్‌ అండ్‌ అవుట్‌ యాక్షన్, కామెడీ ఎంటర్‌టైనర్‌గా తెరకెక్కిన చిత్రమిది.
హీరో నటన, కథ, కథనాలు హైలెట్‌గా నిలుస్తాయి. ఇంటర్వెల్‌ సీన్‌ ఉత్కంఠ రేకెత్తిస్తుంది. నేపథ్యసంగీతం ఈ చిత్రానికి ప్రధాన ఆకర్షణ’’ అన్నారు. ‘‘ఒక హిట్ చిత్రానికి కావాల్సిన ఎలిమెంట్స్‌ అన్నీ మా సినిమాకి కుదిరాయి. పృథ్వీ, జీవాల కామెడీ సన్నివేశాలు ఓ ఆకర్షణ. పాటలు మాస్‌ ఆడియన్స్‌ని అలరిస్తాయి’’ అన్నారు శివ గణేష్‌. ఈ చిత్రానికి కెమెరా: సాయి చరణ్, సంగీతం: అజయ్‌ పట్నాయక్‌.
∙తనిష్క్‌ రెడ్డి, మేఘ్లా
