పరశురాం దర్శకత్వంలో మహేష్‌ బాబు ఓ సినిమా చేయడానికి కమిట్‌ అయిన విషయం తెలిసిందే. ప్రస్తుతం కథకు తుది మెరుగులు దిద్దుతున్నారు పరశురాం. అయితే ఈ సినిమాలో హీరోయిన్‌గా ఎవరు నటిస్తారు? అనే విషయంపై పలు వార్తలు ప్రచారంలో ఉన్నాయి. ఇందులో మహేష్‌కి జోడీగా బాలీవుడ్‌ హీరోయిన్‌ సారా అలీఖాన్‌ నటిస్తారని టాక్‌. ఒకవేళ ఈ కాంబినేషన్‌ సెట్‌ అయితే సారాకు ఇదే తొలి తెలుగు సినిమా అవుతుంది. సారా బాలీవుడ్‌ నటుడు సైఫ్‌ అలీ ఖాన్‌ కుమార్తె అనే సంగతి తెలిసిందే. జూన్‌ తర్వాత ఈ సినిమా సెట్స్‌ మీదకు వెళ్తుందని సమాచారం.
