గత కొన్నేళ్లుగా సూర్య చిత్రాలు సరైన విజయాన్ని నమోదు చేయలేకపోతున్నాయి. రీసెంట్‌గా వచ్చిన ఎన్‌జీకే చిత్రం కూడా ఆశించిన మేర ఆకట్టుకోలేకపోయింది. అయితే మరోసారి తన అదృష్టాన్ని పరీక్షించుకునేందుకు బందోబస్త్‌ చిత్రంతో ప్రేక్షకుల ముందుకు వస్తున్నాడు. మళయాల సూపర్‌స్టార్‌ మోహన్‌లాల్‌తో కలిసి చేస్తున్న ఈ మూవీ టీజర్‌ తాజాగా విడుదలైంది.
రానా చేతుల మీదుగా విడుదలైన ఈ టీజర్‌ ఆకట్టుకునేలా ఉంది. ‘మీరు రెచ్చగొట్టింది నిద్రపోతున్న పులిని.. పంజా విసరడానికి ఎంతో సమయం పట్టదు’ లాంటి డైలాగ్‌లు ఆసక్తిని రేకేత్తిస్తున్నాయి. ఆర్య, సాయేషా, బొమన్‌ ఇరానీ ముఖ్య పాత్రల్లో నటించగా.. కేవీ ఆనంద్‌ ఈ చిత్రాన్ని తెరకెక్కించారు. ఈ సినిమాకు హారీస్‌ జయరాజ్‌ సంగీతాన్ని అందించారు. ఈ మూవీ ఆగస్ట్‌లో విడుదల కానుంది.
