ఏదైనా రంగంలో రాణించినప్పుడు అందులో బాగా రాణిస్తున్నవారితో పోలుస్తుంటారు. తాప్సీ మాత్రం పోలిక ఎందుకు? అంటున్నారు. ఎవరితోనో పోల్చకుండా వాళ్ల గుర్తింపు వాళ్లకే ఇవ్వొచ్చు కదా అని అభిప్రాయపడుతున్నారామె. ప్రస్తుతం బాలీవుడ్‌లో తాప్సీ విభిన్నమైన స్క్రిప్ట్‌లు ఎంపిక చేసుకుంటూ హిట్స్‌తో దూసుకెళ్తున్నారు. ఈ మధ్య జరిగిన ఓ అవార్డు వేడుకలో ‘సాంద్‌కీ ఆంఖ్‌’ సినిమాకు అవార్డు గెలుచుకున్నారామె. ఈ సందర్భంగా తాప్సీని అభినందిస్తూ ‘బాలీవుడ్‌ ఫీమేల్‌ ఆయుష్మాన్‌ ఖురానా’ అని ట్వీటర్‌లో సంబోధించారు. ‘‘అలా అనేకంటే బాలీవుడ్‌ తొలి తాప్సీ అని పిలవొచ్చు కదా?’’ అని రిప్లై ఇచ్చారు తాప్సీ. ఆ సమాధానానికి సోషల్‌ మీడి యాలో ప్రశంసలు అందుకుంటున్నారామె.
