మున్సిపోల్స్‌పై టీఆర్‌ఎస్‌ నజర్‌!

11 Dec, 2019 03:40 IST|Sakshi

క్షేత్ర స్థాయి పరిస్థితిపై మరోసారి వివరాల సేకరణ 

పార్టీలు, ఆశావహుల బలాబలాలపై నివేదికలు 

త్వరలో పార్టీ ఇన్‌చార్జులతో కేటీఆర్‌ భేటీ

సాక్షి, హైదరాబాద్‌: రాష్ట్రంలోని మొత్తం 142 మున్సిపాలిటీలకు గాను, 130కి పైగా మున్సిపాలిటీ పాలకవర్గాల ఎన్నిక జనవరి మూడో వారంలో జరిగే అవకాశం ఉంది. ప్రస్తుతం వార్డుల పునర్విభజన ప్రక్రియ కొనసాగుతుండగా, డిసెంబర్‌ 25లోగా వార్డులు, చైర్మన్‌ పదవుల రిజర్వేషన్ల ఖరారు కొలిక్కి వచ్చే అవకాశముంది. డిసెంబర్‌ నెలాఖరులోగా మున్సిపల్‌ ఎన్నికల నోటిఫికేషన్‌ విడుదలయ్యే సూచనలు కనిపిస్తుండటంతో, పార్టీ యంత్రాంగాన్ని సన్నద్ధం చేయడంపై టీఆర్‌ఎస్‌ అధిష్టానం దృష్టి సారించింది. దీంతో మున్సి పాలిటీల పరిధిలో అభివృద్ధి కార్యక్రమాలు, పారిశుధ్యం, తాగునీటి సరఫరా వంటి అంశాలపై ఎమ్మెల్యేలు, నేతలు దృష్టి సారించారు.  మున్సిపోల్స్‌ వ్యూహంపై పార్టీ వర్కింగ్‌ ప్రెసిడెంట్‌ కేటీఆర్‌ త్వరలో పార్టీ ఇన్‌చార్జులు, ఎమ్మెల్యేలతో సమావేశమయ్యే అవకాశముందని పార్టీ వర్గాలు తెలిపాయి. 

బలంపై అంచనా 
లోక్‌సభ మినహా అసెంబ్లీ, స్థానిక సంస్థల ఎన్నికలతో పాటు ఇటీవల జరిగిన హుజూర్‌నగర్‌ అసెంబ్లీ ఉపఎన్నికలో టీఆర్‌ఎస్‌ ఏకపక్ష విజయం సాధించింది. ఎంపీటీసీ స్థానాల్లో 61 శాతం, జెడ్పీటీసీ స్థానాల్లో 83 శాతం విజయం నమోదు చేసిన టీఆర్‌ఎస్‌.. 32 జిల్లా పరిషత్‌ పీఠాలనూ కైవసం చేసుకుంది. మున్సిపల్‌ ఎన్నికల్లోనూ ఏకపక్ష విజయం సాధించడం లక్ష్యంగా సుమారు 4 నెలలుగా ప్రణాళికలు సిద్ధం చేస్తోంది. ఈ ఏడాది జూన్, జూలై నెలల్లో పార్టీ సభ్యత్వ నమోదు కార్యక్రమాన్ని నిర్వహించిన టీఆర్‌ఎస్‌ మున్సిపల్‌ ఎన్నికలను దృష్టిలో పెట్టుకుని మున్సిపాలిటీల్లో సంస్థాగత నిర్మాణాన్ని వాయిదా వేసింది.

ఆగస్టులో 17 లోక్‌సభ సెగ్మెంట్లకు 64 మంది పార్టీ ప్రధాన కార్యదర్శులు, కార్యదర్శులను మున్సిపల్‌ ఎన్నికల ఇన్‌చార్జు లుగా పార్టీ వర్కింగ్‌ ప్రెసిడెంట్‌ కేటీఆర్‌ ప్రకటించారు. మున్సిపాలిటీ, జనాభా, వార్డులు, ఓటర్లు, గతంలో జరిగిన మున్సిపల్‌ ఎన్నికల్లో పార్టీల వారీగా సాధించిన ఫలితం తదితర వివరాలతో పాటు 2018 అసెంబ్లీ, 2019 లోక్‌సభ ఎన్నికల్లో మున్సిపాలిటీల పరిధిలో సాధించిన ఓట్ల వివరాలను క్రోడీకరించి ఇన్‌చార్జులు కేటీఆర్‌కు నివేదికలు ఇచ్చారు. తాజా పరిస్థితిపై  మళ్లీ నివేదికలు ఇవ్వాల్సిందిగా కేటీ ఆర్‌ ఆదేశించినట్లు సమాచారం. 

వార్డులు, డివిజన్ల వారీగా..
ఒక్కో మున్సిపాలిటీ పరిధిలో టీఆర్‌ఎస్‌తోపాటు వివిధ పార్టీలు ఎంతమేర ప్రభావం చూపుతాయనే దానిపై టీఆర్‌ఎస్‌ కసరత్తు చేస్తోంది. టీఆర్‌ఎస్‌తో పాటు ఇతర పార్టీల్లో క్రియాశీలకంగా ఉండే కార్యకర్తల వివరాల సేకరణపైనా దృష్టి సారిస్తోంది. మున్సిపల్‌ ఎన్నికల్లో టీఆర్‌ఎస్‌ ఒంటరిగా పోటీ చేయనుండగా సుమారు 50కి పైగా మున్సిపాలిటీల్లో ఎంఐఎం కొంత మేర ప్రభావం చూపే అవకాశం ఉంది. ఎంఐఎం పోటీ చేసే స్థానాల సంఖ్య పెరిగే అవకాశం ఉండటంతో, అలాంటి చోట్ల అనుసరించాల్సిన వ్యూహంపైనా టీఆర్‌ఎస్‌ కసరత్తు చేస్తోంది.

Read latest Telangana News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

సాఫ్ట్‌వేర్‌ సమస్యలన్నీ సరిదిద్దాం 

ఆదివాసులను ఖాళీ చేయించవద్దు 

రబీకి సాగర్‌ నీరు 

మార్చిలో గజ్వేల్‌కు.. కూ.. చుక్‌చుక్‌ 

ఇక అంతా ‘3డీ స్కానింగ్‌’ 

సేఫ్టీ ఫస్ట్‌..సౌందర్యం నెక్ట్స్‌ !

దిశ : చీకట్లోనే ఎదురు కాల్పులు

శారీరక శ్రమకు దూరంగా యువత

నేనలాంటోడిని కాదు.. నన్ను నమ్మండి !

‘దిశ’ కేసు : ఎన్‌హెచ్‌ఆర్సీ ముందుకు షాద్‌నగర్‌ సీఐ

ఈనాటి ముఖ్యాంశాలు

పోలీసులు స్పందించి ఉంటే దారుణం జరిగేది కాదు

మద్యపాన నిషేధం కోసం రెండురోజుల దీక్ష

ఉల్లి ధర: కేసీఆర్‌ సమీక్ష చేయాలి

‘మైనార్టీలు అంటే కేవలం ముస్లింలే కాదు’

'సమత' పిల్లలకు ఉచిత విద్య

భార్యను హత్య చేసిన భర్త అరెస్ట్‌

నిర్మల్‌ కోర్టుకు హాజరైన అక్బరుద్దీన్‌ ఒవైసీ

ఎన్‌కౌంటర్‌పై గాయపడ్డ పోలీసుల వెర్షన్!

గాంధీ ఆస్పత్రి వద్ద గట్టి బందోబస్తు

చటాన్‌పల్లి ఎన్‌కౌంటర్‌ కేసులో కీలక మలుపు

వెలుగుల జిగేల్.. గజ్వేల్‌

ఆ జాబితాపై భారీగా అభ్యంతరాలు

పాలు ‘ప్రైవేటు’కే!

దసలి ‘పట్టు’.. మొదటిస్థానం కొట్టు..

సారీ.. నో ఆనియన్‌ !

50 ఎకరాలు అమ్ముకున్న మంత్రి ఎర్రబెల్లి

ఆ గాడిద నాదే.. కాదు నాదే!

కావాలని షూతో మెట్లు ఎక్కలేదు : విప్‌ సునీత

బయటివారితో బహుపరాక్‌

ఆంధ్రప్రదేశ్
తెలంగాణ
సినిమా

బాగుంది అంటే చాలు

కాలేజ్‌కి వెళ్లాను – రాజేంద్ర ప్రసాద్‌

మేం విడిపోయాం

ఈ సినిమాతో క్లారిటీ వచ్చింది – కార్తికేయ

ముఖాన్ని నాశనం చేశాడు... నా ఆత్మవిశ్వాసాన్ని కాదు

మిస్సయ్యారు