అభిషేక్ వర్మ, మనో చిత్ర జంటగా నటించిన చిత్రం "రూమ్". పద్మమగన్ ఈ చిత్రానికి దర్శకత్వం వహించారు. అశ్విన్ & రమేష్.కె సమర్పణలో, పద్మావతి పిక్చర్స్ పతాకంపై వి. యస్. సుబ్బారావు దీన్ని నిర్మించారు. అన్ని కార్యక్రమాలు పూర్తి చేసుకొని విడుదలకు సిద్దమైన సందర్బంగా ఈ చిత్రం ఫస్ట్ లుక్ పోస్టర్ ను ఫిలిం ఛాంబర్ లో విడుదల చేశారు.ప్రొడ్యూసర్ కౌన్సిల్ సెక్రటరీ ప్రసన్న కుమార్, నటుడు బెనర్జీ, నిర్మాత రామరాజ్ చేతుల మీదుగా ఈ చిత్రం పోస్టర్‌ను రిలీజ్‌ చేశారు.
ఈ సందర్భంగా చిత్ర దర్శకుడు పద్మ మగన్ మాట్లాడుతూ.. కొత్త వారితో ఏ జానర్ చేసినా క్వాలిటీలో రాజీ పడకుండా సినిమా చేస్తాను. ఈ సినిమాలో మంచి కథ ఉంది. ఇందులో అడల్ట్ కంటెంట్ ఉన్నా అది ఎంతవరకు ఉండాలో అంతే లిమిట్ లో ఉంటుంది. అందరికీ మంచి ఎంటర్టైన్మెంట్ కలిగించాలానే ఉద్దేశ్యంతో మంచి క్వాలిటీ తో ఈ సినిమా చేశాము అని తెలిపారు.
