Trisha : కోలీవుడ్‌లో చక్కర్లు కొడుతున్న త్రిష పెళ్లి టాపిక్‌

23 Jul, 2021 19:33 IST|Sakshi

Trisha Marraige Rumours: చెన్నై బ్యూటీ త్రిష పెళ్లి టాపిక్‌ మరోసారి హాట్‌టాపిక్‌గా మారింది. ప్రముఖ తమిళ దర్శకుడిని త్రిష త్వరలోనే పెళ్లాడబోతుందంటూ ఓ వార్త కోలీవుడ్‌ వర్గాల్లో జోరుగా చక్కర్లు కొడుతుంది. ఓ సినిమా షూటింగ్‌ సమయంలో వీరిద్దరి మధ్యా ప్రేమ చిగురించిందని, ఈ నేపథ్యంలో త్వరలోనే వీరు పెళ్లి చేసుకోనున్నట్లు వార్తలు హల్‌చల్‌ చేస్తున్నాయి. అయితే ఆ దర్శకుడు ఎవరు అన్నది మాత్రం తెలియరాలేదు. గత కొన్నిరోజులుగా త్రిష పెళ్లి వార్తలపై జోరుగా ప్రచారం జరుగుతున్నా ఆమె ఇప్పటివరకు ఎలాంటి స్పష్టత ఇవ్వలేదు.

నిజానికి త్రిష పెళ్లికి సంబంధించి ఇప్పటికే ఎన్నో రూమర్స్‌ పుట్టుకొచ్చాయి. కొద్ది రోజుల క్రితమే త్రిషకు ఓ బిజినెస్‌ మ్యాన్‌తో పెళ్లి నిశ్చయమైందని వార్తలు గుప్పుమన్నాయి. అయితే అది కేవలం పుకారు అని తేలింది. గతంలో వరుణ్‌ మణియన్‌ అనే వ్యాపారవేత్తతో ప్రేమలో పడిన త్రిష.. అతడితో నిశ్చితార్థం చేసుకున్న సంగతి తెలిసిందే. అయితే పెళ్లి వరకు వెళ్లిన ఈ జంట నిశ్చితార్థం తర్వాత వచ్చిన కొన్ని మనస్పర్థల కారణంగా పెళ్లిని రద్దు చేసుకున్నారు.

ఇక అప్పటి నుంచి సినిమాలపై దృష్టి పెట్టిన ఆమె ఈ మధ్యకాలంలో లేడీ ఓరియెంటెడ్‌ చిత్రాలు చేస్తుంది. 40కి దగ్గర్లో ఉన్నా ఇప్పటికీ వన్నె తరగని అందంతో హీరోయిన్‌గా వరుస చిత్రాలు చేస్తూ సత్తా చాటుతుంది ఈ చెన్నై చిన్నది. ప్రస్తుతం త్రిష  ‘పొన్నాయ్ సెల్వన్’, ‘సతురంగ వెట్టాయ్’ తదితర చిత్రాల్లో నటిస్తోంది.

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు