‘గెటప్‌’ శీను, అంకితా కరత్ జంటగా కృష్ణమాచారి దర్శకత్వంలో ప్రశాంత్‌ రెడ్డి నిర్మిస్తున్న చిత్రం ‘రాజు యాదవ్‌’. ఈ సినిమా ముహూర్తపు సన్నివేశానికి సాగర్‌ కె. చంద్ర క్లాప్‌ ఇచ్చారు. వేణు ఉడుగుల, సుధాకర్‌ చెరుకూరి, తెలంగాణ భాష సాంస్కృతిక శాఖ సంచాలకులు మామిడి హరికృష్ణ స్క్రిప్ట్‌ను కృష్ణమాచారికి అందించారు. సూడో రియలిజమ్‌ జానర్‌లో ఈ సినిమా ఉంటుందని చిత్రబృందం తెలిపింది. ‘కమర్షియల్‌ హంగులకు దూరంగా, వాస్తవికకు దగ్గరగా మా సినిమా ఉంటుంది’ అన్నారు కృష్ణమాచారి. ‘డిసెంబర్‌ మొదటి వారంలో చిత్రీకరణ ప్రారంభిస్తాం’ అన్నారు ప్రశాంత్‌ రెడ్డి.
