ఐపీఎల్ 2024లో భాగంగా సన్రైజర్స్ హైదరాబాద్, ముంబై ఇండియన్స్ మధ్య నిన్న (మార్చి 27) జరిగిన మ్యాచ్లో పరుగుల వరద పారింది. ఈ మ్యాచ్లో ఇరు జట్ల బ్యాటర్లు పోటాపోటీ పడి సిక్సర్లు బాదారు. ఇరు జట్ల బ్యాటర్ల సిక్సర్ల సునామీ ధాటికి హైదరాబాద్లోని ఉప్పల్ స్టేడియం తడిసి ముద్దైంది.
తొలుత బ్యాటింగ్ చేసిన సన్రైజర్స్ 18 సిక్సర్లు బాదితే.. ఛేదనలో ముంబై తామేమీ తక్కువ కాదని 20 సిక్సర్లు బాదింది. ఇరు జట్లు కలిపి ఈ మ్యాచ్లో ఏకంగా 38 సిక్సర్లు కొట్టాయి. ఫలితంగా భారీ స్కోర్లు నమోదు కావడంతో పాటు పలు ఆల్టైమ్ రికార్డులు బద్దలయ్యాయి. పోట్టి క్రికెట్ చరిత్రలో అత్యధిక సిక్సర్లు (38) నమోదైన మ్యాచ్గా ఈ మ్యాచ్ రికార్డుల్లోకెక్కింది.
పురుషుల టీ20ల్లో అత్యధిక సిక్సర్లు..
ఐపీఎల్లో అత్యధిక సిక్సర్లు..
ఈ మ్యాచ్ ఐపీఎల్ హిస్టరీలో అత్యధిక సిక్సర్లు (38) నమోదైన మ్యాచ్ గానూ రికార్డు నెలకొల్పింది.
ఐపీఎల్లో అత్యధిక బౌండరీల సంఖ్య (4s+6s)..
ఈ మ్యాచ్లో ఇరు జట్లు కలిపి కొట్టిన బౌండరీలు (ఫోర్లు, సిక్సర్లు) ఐపీఎల్ చరిత్రలో రెండో అత్యధికం.
ఐపీఎల్లో ఓ ఇన్నింగ్స్లో అత్యధిక సిక్సర్లు..
ఈ మ్యాచ్లో ముంబై ఇండియన్స్ కొట్టిన సిక్సర్ల సంఖ్య ఐపీఎల్ చరిత్రలోనే రెండో అత్యధికం కాగా, సన్రైజర్స్ బాదిన సిక్సర్ల సంఖ్య నాలుగో అత్యధికం.
ఐపీఎల్లో అత్యధిక టీమ్ స్కోర్లు..
ఐపీఎల్ చరిత్రలోనే అత్యధిక టీమ్ స్కోర్ చేసిన జట్టుగా సన్రైజర్స్ చరిత్ర సృష్టించింది. తొలుత బ్యాటింగ్ చేసిన సన్రైజర్స్ 3 వికెట్ల నష్టానికి 277 పరుగులు చేసింది.
టీ20ల్లో అత్యధిక స్కోర్లు..
ఈ మ్యాచ్లో 3 వికెట్ల నష్టానికి 277 పరుగులు చేసిన సన్రైజర్స్ టీ20ల్లో నాలుగో అత్యధిక స్కోర్ను నమోదు చేసింది. పొట్టి ఫార్మాట్లో అత్యధిక టీమ్ స్కోర్ రికార్డు నేపాల్ పేరిట ఉంది.
ఐపీఎల్ రెండో ఇన్నింగ్స్లో అత్యధిక స్కోర్లు..
ఐపీఎల్ హిస్టరీలో ఛేదనలో అత్యధిక స్కోర్ నమోదు చేసిన జట్టుగా ముంబై ఇండియన్స్ రికార్డుల్లోకెక్కింది.
ఐపీఎల్లో అత్యధిక స్కోర్ (ఇరు జట్లు కలిపి) నమోదైన మ్యాచ్లు..
ఈ మ్యాచ్లో ఇరు జట్లు కలిపి 523 పరుగులు (సన్రైజర్స్ 277/3, ముంబై ఇండియన్స్ 246/5) చేయడంతో ఐపీఎల్ చరిత్రలో తొలిసారి ఓ మ్యాచ్లో 500 పరుగుల మార్కు దాటింది.
టీ20ల్లో అత్యధిక స్కోర్ (ఇరు జట్లు కలిపి) నమోదైన మ్యాచ్లు..
ఈ మ్యాచ్లో ఇరు జట్లు కలిపి చేసిన స్కోర్ పొట్టి క్రికెట్ చరిత్రలోనే ఓ మ్యాచ్లో నమోదైన అత్యధిక స్కోర్గా రికార్డైంది.