చిన్నారి నేత్రాల్లో వెంట్రుకలు

ఓర్వకల్లు: పదకొండేళ్ల చిన్నారి నేత్రాల నుంచి వెంట్రుకలు వస్తున్న వింత స్థితి ఉప్పలపాడు గ్రామంలో వెలుగు చూసింది. గ్రామానికి చెందిన నాయిని వెంకటలక్ష్మమ్మ, నారాయణ దంపతుల కుమార్తె రూప స్థానిక ప్రభుత్వ పాఠశాలలో 6వ తరగతి చదువుతోంది. బాలిక వారం రోజులుగా కళ్ల మంటలతో బాధపడుతోంది. ఈ క్రమంలో కళ్ల నుంచి తరుచుగా నీరు కారుతుండేది. బుధవారం రాత్రి నుంచి కళ్లలో వెంట్రుకలు వస్తుండడంతో తల్లిదండ్రుల్లో ఆందోళన మొదలైంది. శుక్రవారం వైద్యులను సంప్రదిస్తామని వారు తెలిపారు.