ముంబై: ఇంగ్లండ్ వేల్స్ వేదికగా జరగనున్న ప్రపంచకప్లో కేఎల్ రాహుల్ను నాలుగో స్థానంలో బ్యాటింగ్కు పంపాలని టీమిండియా మాజీ ఛీఫ్ సెలక్టర్ దిలీప్ వెంగ్సర్కార్ అభిప్రాయపడ్డాడు. ఫామ్లో ఉన్న విరాట్ కోహ్లి సేన ప్రపంచకప్లో సత్తా చాటుతుందన్నాడు. ఇంగ్లండ్ పరిస్థితులతో పాటు రాహుల్ టెక్నిక్ దృష్ట్యా నంబర్ 4లో అతన్ని బరిలోకి దించే విషయాన్ని టీమ్ మేనేజ్మెంట్ పరిశీలించాలన్నాడు. గత కొన్నాళ్లుగా నాలుగో స్థానంలో ఆడిన తెలుగు తేజం రాయుడు ప్రపంచకప్ జట్టుకు ఎంపిక కాలేకపోయాడు. దీంతో భారత క్రికెట్ వర్గాల్లో అందరి చర్చ నాలుగో స్థానం చుట్టూనే తిరుగుతోంది.
ఇటీవలే ముగిసిన ఐపీఎల్లో 593 పరుగులు చేసి రెండో స్థానంలో నిలిచిన అతనికి తప్పకుండా తుది జట్టులో అవకాశమివ్వాలన్నాడు. గతేడాది ఇంగ్లండ్లో పర్యటించిన అనుభవం భారత జట్టుకు దోహదం చేయగలదని ఈ 63 ఏళ్ల దిగ్గజ ఆటగాడు విశ్వాసం వ్యక్తం చేశారు. ఆస్ట్రేలియా పర్యటనలో రాణించలేకపోయిన స్పిన్నర్లు చహల్, కుల్దీప్లు తమ బౌలింగ్ను మెరుగు పర్చుకోవాలన్నారు. త్వరలో జరిగే ప్రపంచకప్లో భారత్, ఆతిథ్య ఇంగ్లండ్, ఆస్ట్రేలియా సెమీస్ చేరతాయని, మరో జట్టుపై ఇప్పుడే చెప్పలేనని పేర్కొన్నారు.