న్యూఢిల్లీ: కార్పొరేట్ రుణ ఊబి అంతకంతకూ విస్తరిస్తోందని క్రెడిట్ సూసీ సంస్థ తెలిపింది. రుణ భారంతో తీవ్రమైన సమస్యలు ఎదుర్కొంటున్న కంపెనీల సంఖ్య అంతకంతకూ పెరిగిపోతోందని క్రెడిట్ సూసీ ఇండియా కార్పొరేట్ హెల్త్ ట్రాకర్ సర్వేలో వెల్లడైంది. దాదాపు 39 శాతం కంపెనీలు ఆర్జిస్తున్న ఆదాయం వడ్డీ వ్యయాలకు కూడా సరిపోవడం లేదని సర్వే పేర్కొంది. దీని ప్రకారం ఆదాయం వడ్డీకీ సరిపోని కంపెనీల సంఖ్య ఈ ఏడాది తొలి క్వార్టర్లో 39 శాతానికి పెరిగింది.
