ఓల్డ్ బోయిన్పల్లి: పిస్తా కవచాలు (సముద్రం వద్ద లభించే గవ్వలు) మీద 108 ఆకృతులతో అక్రలిక్ రంగులతో గణనాథులను 9 గంటలలో వేసి... వండర్ బుక్ ఆఫ్ రికార్డుల్లో చోటు దక్కించుకున్న కాసుల పద్మావతిని పలువురు అభినందించారు. ఓల్డ్ బోయిన్పల్లిలోని కార్యాలయంలో సంస్థ భారతదేశ ప్రతినిధి బింగి నరేందర్గౌడ్, తెలంగాణ, ఆంధ్రప్రదేశ్ ప్రతినిధి డాక్టరు గుర్రం స్వర్ణశ్రీ, దైవజ్ఞశర్మలు పద్మావతికి ధ్రువపత్రం అందజేశారు.
