ధనంజయ, ఇర్రా ముఖ్య తారలుగా సిద్ధార్థ తాతోలు దర్శకత్వంలో తెలుగు, కన్నడ భాషల్లో రూపొందిన చిత్రం ‘భైరవగీత’. దర్శక– నిర్మాత రామ్‌గోపాల్‌ వర్మ సమర్పణలో భాస్కర్‌ రాశి నిర్మించారు. ఈ సినిమా ఫస్ట్‌ లుక్‌ని రామ్‌గోపాల్‌ వర్మ రిలీజ్‌ చేశారు. అభిషేక్‌ పిక్చర్స్‌ పతాకంపై అభిషేక్‌ నామా ఈ సినిమా హక్కులను సొంతం చేసుకుని రిలీజ్‌కు సన్నాహాలు చేస్తున్నారని చిత్రబృందం పేర్కొంది. ఈ సినిమా ట్రైలర్‌ను ఈ రోజు మధ్యాహ్నం 1 గంటకు విడుదల చేయనున్నారు. ఈ సినిమా కన్నడ వెర్షన్‌ ట్రైలర్‌ను నటుడు శివరాజ్‌కుమార్‌ రిలీజ్‌ చేయనున్నట్లు రామ్‌గోపాల్‌ వర్మ వెల్లడించారు. ఇంతకుముందు ‘బాక్సర్, జెస్సీ, తగరు’ వంటి కన్నడ చిత్రాల్లో ధనంజయ నటించారు.
