మెగా పవర్ స్టార్ రామ్ చరణ్ ప్రస్తుతం సుకుమార్ దర్శకత్వంలో రంగస్థలం 1985 సినిమాలో నటిస్తున్న సంగతి తెలిసిందే. చరణ్ సరసన సమంత హీరోయిన్ గా నటిస్తున్న ఈ సినిమాలో జగపతి బాబు, ఆది, వైభవ్, అనసూయలు ఇతర కీలక పాత్రల్లో నటిస్తున్నారు. చరణ్... సైరా నరసింహారెడ్డి నిర్మాణ పనుల్లోనూ బిజీగా ఉండటంతో రంగస్థలం షూటింగ్ కాస్త నెమ్మదిగా సాగుతోంది.
తాజాగా ఈ సినిమాకు సంబంధించిన లోకేషన్ స్టిల్స్ సోషల్ మీడియాలో సందడి చేస్తున్నాయి. పీరియాడిక్ సినిమా కావటంతో అప్పటి వాతావరణాన్ని కళ్లకు కట్టేందుకు అద్భుతమైన సెట్స్ రూపొందించారు. తోట తరణి ఆధ్వర్యంలో రూపొందిన ఈ సెట్స్ అప్పటి పల్లె వాతావరణాన్ని ఈ తరానికి పరిచయం చేయనున్నాయి. పీరియాడిక్ లవ్ స్టోరిగా తెరకెక్కుతున్న రంగస్థలం 1985 సినిమాను 2018 జనవరిలో రిలీజ్ చేయాలని ప్లాన్ చేస్తున్నారు.
