చెన్నై: మద్య నిషేధం అమలైతే అది మాఫియా ఏర్పాటుకు దారితీస్తుందని సినీ నటుడు, మక్కల్‌ నీతి మయ్యమ్‌ పార్టీ వ్యవస్థాపక అధ్యక్షుడు కమల్‌ హాసన్‌ అభిప్రాయపడ్డారు. అందుకే తాను మద్య నిషేధాన్ని వ్యతిరేకిస్తున్నానన్నారు. ఈ మేరకు ఆయన రాసిన వ్యాసం ‘ఆనంద వికటన్‌’ తమిళ పత్రికలో వచ్చింది. నిషేధం అమలైతే కల్తీ మద్యం మాఫియా పుట్టుకొస్తుందని తెలిపారు. మద్యం తాగడం తగ్గించే వీలుంది కానీ, ప్రజలను ఆ అలవాటు నుంచి దూరంగా ఉంచటం కష్టమన్నారు.
