పూణే: ప్రేమ వివాహాలు ఎప్పుడు ఎలా జరుగుతాయో అసలు ఊహించలేం. కొన్ని వివాహాలు గుడిలో జరిగితే.. మరికొన్ని రిజిస్టర్ ఆఫీసుల్లో జరుగుతుంటాయి. కానీ పూణేలో ఓ పెళ్లి ఆస్పత్రి ఐసీయూలో జరిగింది. వివరాలు.. పూణేకు చెందిన ఓ యువతి, యువకుడు గత కొంత కాలంగా ప్రేమించుకుంటున్నారు. పెళ్లి కూడా చేసుకునేందుకు సిద్ధమయ్యారు. ఈ నేపథ్యంలో వారిద్దరి మధ్య శారీరక సంబంధం కూడా ఏర్పడింది. అనంతరం యువతి మొహం చాటేసిన చాటేసిన ప్రియుడు సూరజ్‌.. పెళ్లికి నిరాకరించాడు.
దీంతో ఆ యువతి పోలీసులను ఆశ్రయించింది. అక్కడ కూడా న్యాయం దక్కకపోవడంతో.. తీవ్ర మనస్థాపం చెందిన ఆ యువతి ఆత్మహత్యాయత్నం చేసింది. విషయం తెలుసుకున్న ఆమె బంధువులు ఆస్పత్రికి తరలించారు. సూరజ్‌పై తీవ్ర ఆగ్రహం వ్యక్తం చేసిన.. ఆమె కుటుంబ సభ్యులు అతడికి దేహశుద్ధి చేసి ఆస్పత్రికి తీసుకువచ్చారు. అనంతరం ఐసీయూలో చికిత్స పొందుతున్న తమ కుమార్తెతో వివాహం జరిపించారు.
