అందుకు ధోనినే కారణం: గంభీర్‌ విమర్శలు

18 Nov, 2019 10:44 IST|Sakshi
ఎంఎస్‌ ధోని-గౌతం గంభీర్‌(ఫైల్‌ఫొటో)

న్యూఢిల్లీ: అవకాశం దొరికినప్పుడల్లా టీమిండియా మాజీ కెప్టెన్‌ ఎంఎస్‌ ధోనిని టార్గెట్‌ చేసే మాజీ క్రికెటర్‌ గౌతం గంభీర్‌ మరోసారి విమర్శలు గుప్పించాడు. సుమారు ఎనిమిదేళ్ల క్రితం జరిగిన వన్డే వరల్డ్‌కప్‌ ఫైనల్‌ మ్యాచ్‌ను ఉదహరిస్తూ ధోనిపై మండిపడ్డాడు. ఆ మ్యాచ్‌లో తాను సెంచరీని మూడు పరుగుల దూరంలో కోల్పోవడానికి కారణం ధోనినే అంటూ విమర్శించాడు. 2011 వన్డే వరల్డ్‌కప్‌లో భారత్‌ విజేతగా నిలిచిన సంగతి తెలిసిందే. ధోని సారథ్యంలో టీమిండియా కప్‌ను సగర్వంగా అందుకుంది. ఆ వరల్డ్‌కప్‌ ఫైనల్లో శ్రీలంక 275 పరుగుల టార్గెట్‌ను నిర్దేశించిన క్రమంలో భారత్‌ దాన్ని 48.2 ఓవర్లలోనే 4 వికెట్లు కోల్పోయి ఛేదించింది.

ఆనాటి మెగాఫైట్‌లో సెహ్వాగ్‌ డకౌట్‌గా వెనుదిరిగితే, సచిన్‌ టెండూల్కర్‌ 18 పరుగులతో నిరాశపరిచాడు. అటు తర్వాత కోహ్లి(35) ఫర్వాలేదనిపించగా, మ్యాచ్‌ను గంభీర్‌, ధోనిలు ఏకపక్షంగా మార్చారు. గంభీర్‌ 97 పరుగులు చేసి ఔట్‌ కాగా, ధోని 91 పరుగులతో అజేయంగా నిలిచాడు. ఫలితంగా 1983 వన్డే వరల్డ్‌కప్‌ తర్వాత రెండోసారి భారత్‌ విశ్వవిజేతగా అవతరించింది.అయితే తాను శతకానికి మూడు పరుగులు దూరంలో నిలిచిపోవడానికి ధోనినే కారణమంటున్నాడు గంభీర్‌. దీనిపై ఇప్పటివరకూ మాట్లాడని గంభీర్‌.. తాజాగా విమర్శలు చేశాడు. ‘ నేను మూడు పరుగులు చేస్తే సెంచరీ చేసే వాడ్ని. దీనిపై నాకు నేనే చాలాసార్లు ప్రశ్నించుకున్నా. అసలు ఆ సమయంలో ఏమైందో ఇప్పుడు చెబుతున్నా. నేను సెంచరీ ఎందుకు చేయలేకపోయానని చాలామంది అడిగారు.

అందుకు ఇదే నా సమాధానం. నేను సెంచరీకి మూడు పరుగుల దూరంలో ఉండగా ధోని నా దగ్గరకు వచ్చాడు. మూడు పరుగులు చేస్తే శతకం పూర్తవుతుందనే విషయం చెప్పాడు. కానీ నా మదిలో సెంచరీ కంటే కూడా కప్‌ను గెలవడమే ముఖ్యమనే ఆలోచన మాత్రమే ఉంది. ధోని చెప్పడంతో సెంచరీ కోసం ఆలోచించా. అంతవరకూ బాగానే ఉంది. ఆ తర్వాతే ధోని తన గేమ్‌ మొదలుపెట్టాడు. నాకు సెంచరీ చేసే అవకాశం ఇవ్వకుండా తన వ్యక్తిగత స్కోరును పెంచుకోవడం కోసం యత్నించాడు. ఆకస్మికంగా తన వ్యక్తిగత స్కోరు కోసం ఆలోచించాడు. దాంతో నాలో అసహనం వచ్చింది. ఆ క్రమంలోనే పెరీరా బౌలింగ్‌లో బౌల్డ్‌ అయ్యా’ అని గంభీర్‌ పేర్కొన్నాడు. ఆ మెగా టోర్నమెంట్‌ ఫైనల్లో సెంచరీ చేయకపోవడం ఇప్పటికీ బాధగానే ఉందని గంభీర్‌ చెప్పుకొచ్చాడు. కేవలం మూడు పరుగుల వ్యవధిలో సెంచరీ కోల్పోవడం తనను ఎప్పుడూ తొలుస్తూ ఉంటుందన్నాడు. ఈరోజుకీ చాలామంది ఎందుకు సెంచరీ పూర్తి చేయలేకపోయావని అడుగుతుంటారని అందుకే వివరణ ఇవ్వాల్సి వచ్చిందన్నాడు.


 

Read latest Sports News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

‘గ్రేట్‌ విరాట్‌ కోహ్లి సంతోషిస్తాడు’

వెర్‌స్టాపెన్‌దే బ్రెజిల్‌ గ్రాండ్‌ ప్రి

50 పరుగులే చేసి 5 పరుగులతో గెలిచారు..

తమ్ముడు కొట్టిన షాట్‌.. అన్నకు తీవ్ర గాయం

రికార్డు బ్యాటింగ్‌తో చెలరేగిపోయాడు..

రన్నరప్‌ సాకేత్‌ జోడీ

ఓటమితో ముగించారు

అఫ్గాన్‌దే టి20 సిరీస్‌

మన బాక్సర్ల పసిడి పంచ్‌ 

పృథ్వీ షా మెరుపులు 

భారత టెన్నిస్‌ జట్టులో సౌజన్య 

విజేత రుత్విక శివాని

సుమీత్‌ జంటకు టైటిల్‌ 

భరత్‌ దిద్దిన బలగం 

కెరీర్‌ బెస్ట్‌ ర్యాంక్‌లో షమీ..

అతనికి బౌలింగ్‌ చేయడం కష్టం: అక్తర్‌

ఆర‍్చర్‌కు వింత అనుభవం..

నిషేధం తర్వాత పృథ్వీ షా మెరుపులు

‘ఆ రాజీనామా ఇంకా ఆమోదించలేదు’

ఆ విషయంపై సీరియస్‌గా దృష్టి పెట్టాం: బంగ్లా కెప్టెన్‌

బిర్యానీ, కబాబ్‌లతోనే కాదు!

దూషించి నిషేధానికి గురైన క్రికెటర్‌

కోహ్లి మళ్ళీ అభిమానుల మనసుల్ని గెలిచాడు..!

సౌజన్య పరాజయం

దివ్యాంగ అథ్లెట్లను ప్రోత్సహించాలి

భారత్‌కు చుక్కెదురు

అయ్యో...శ్రీకాంత్‌!

హడలెత్తించిన కరీమ్‌

ఫెడరర్‌కు షాక్‌

ఆంధ్రప్రదేశ్
తెలంగాణ
సినిమా

నడిచే నిఘంటువు అక్కినేని

నాకూ బాయ్‌ఫ్రెండ్‌ ఉన్నాడు..!

లవ్‌ ఇన్‌ న్యూయార్క్‌

తర్వాత ఏం జరుగుతుంది?

రాహు జాతకాల కథ కాదు

పిక్చర్‌ షురూ