సాక్షి, న్యూఢిల్లీ : ప్రముఖ షట్లర్‌ సైనా సెహ్వాల్‌ కామన్‌వెల్త్‌ గేమ్స్‌ నిర్వాహకులపై తీవ్ర ఆగ్రహం వ్యక్తం చేశారు. జట్టు అధికారిగా తన తండ్రిని తనతోపాటు కామన్‌వెల్త్‌ క్రీడాగ్రామంలోకి అనుమతించకపోవడంపై తీవ్ర అసంతృప్తి వ్యక్తం చేశారు.
‘కామన్‌వెల్త్‌ గేమ్స్‌లో పాల్గొనేందుకు మేం భారత్‌ నుంచి వచ్చాం. టీమ్‌ అధికారిగా మా నాన్నను అధికారికంగా ధ్రువీకరించడంతో నేనే ఆయన ఖర్చులన్నీ భరించాను. తీరా మేం ఇక్కడి క్రీడాగ్రామానికి వచ్చాక.. నాన్న పేరును టీమ్‌ అధికారి క్యాటగిరీ నుంచి తొలగించారు. దీంతో ఆయన నాతోపాటు ఉండలేరు. నా మ్యాచ్‌లనూ చూడలేరు. క్రీడాగ్రామంలోకి ప్రవేశించలేరు. నాన్న నన్ను కలిసే అవకాశమే లేదు. ఇది ఎలాంటి మద్దతు’ అంటూ సైనా కామన్‌వెల్త్‌ క్రీడా నిర్వాహకులను ట్విటర్‌లో నిలదీశారు.
‘నాకు నాన్న మద్దతు కావాలి. అందుకే రెగ్యులర్‌గా నా మ్యాచ్‌లకు ఆయనను తీసుకెళుతుంటాను. కానీ, ఆయనకు ఇక్కడ ప్రవేశం ఉండదని ముందే నాకు ఎందుకు చెప్పలేదో అర్థం కావడం లేదు’ అని సైనా నిర్వేదం వ్యక్తం చేశారు. ఆస్ట్రేలియాలోని గోల్డ్‌కోస్ట్‌లో రేపటి (బుధవారం) నుంచి కామన్‌వెల్త్‌ గేమ్స్‌ ప్రారంభం కానున్న సంగతి తెలిసిందే. ఈసారి కామన్‌వెల్త్‌ గేమ్స్‌లో భారతీయ క్రీడాకారులు గణనీయమైన పతకాలు సాధిస్తారని భావిస్తున్న నేపథ్యంలో సైనాకు ఇలా చేదు అనుభవం ఎదురుకావడం ఆమె అభిమానుల్ని బాధిస్తోంది.
Surprise to see that when we started from India for commonwealth games 2018 my father was confirmed as the team official and I paid the whole amount for that but when we came to the games village ... his name was cut from team official category .. and he can’t even stay with me .
— Saina Nehwal (@NSaina) April 2, 2018
He can’t c my matches and he can’t enter the village nor he can meet me in anyway .. what kind of support is this ..@thecgf
— Saina Nehwal (@NSaina) April 2, 2018
I wanted his support as I regularly take him for my competitions ...but i didn’t understand why nobody informed me all this earlier .. that he can’t enter anywhere #CommonwealthGames2018
— Saina Nehwal (@NSaina) April 2, 2018
