'ఆ' గ్రామాలు ఏమైనట్లు..!?

27 Aug, 2019 12:14 IST|Sakshi
దేవపూర్‌ గ్రామం

జిల్లావ్యాప్తంగా 24 ఊళ్లు గయాబ్‌

జిల్లాల విభజన అనంతరం పరిణామాలు

2021 జనాభా లెక్కల సేకరణ ఆటంకం

రెవెన్యూ రికార్డుల్లోనే ఊళ్లకు పేర్లు

మరోసారి సవరించి పంపించిన అధికారులు

సాక్షి, మంచిర్యాల: జిల్లాలో.. జిల్లా పునర్విభజనకు ముందున్న 24 గ్రామాలు ప్రస్తుతం జనాభా రికార్డుల్లో కనిపించడం లేదు. 2021 జనగణనకు కేంద్రం సిద్ధమవుతున్న క్రమంలో 2011 సెన్సెస్‌ను పరిగణనలోకి తీసుకున్న అధికారులు.. జిల్లా జాబితాను పరిశీలించగా.. 8 మండలాల్లోని 24 గ్రామాల పేర్లు కనిపించకపోవడంతో కంగుతిన్నారు. దీనిపై జిల్లా అధికారులను నివేదిక కోరారు. జిల్లా ప్రణాళిక, గణాంక, రెవెన్యూ అధికారులు రెవెన్యూ రికార్డుల పరంగా గ్రామాలను మరోసారి నో టిఫై చేసి రాష్ట్ర సెన్సెన్‌ కార్యాలయానికి పంపిం చారు. జిల్లాల విభజన అనంతరం జనాభా రికార్డుల్లో  కానరాకుండాపోయింది.

11 అక్టోబర్‌ 2016న జీవోనంబర్‌ 222 రెవెన్యూ ప్రకారం ఉమ్మడి జిల్లాను నాలుగు జిల్లాలుగా విభజన, మండలాలు, గ్రామాలు, జనాభా, సరిహద్దులు, తదితర వివరాలు రెవెన్యూ అధికారులు జిల్లాల వారిగా పొందపరిచారు. ఆ సమయంలో 2011 జనాభా లెక్కలో మంచిర్యాల జిల్లాలో ఉన్న 24 గ్రామాలు పేర్లు రికార్డుల్లో నమోదు కాకుండపోయాయి. దండేపల్లిలోని రోళ్లపహేడ్, చెన్నూర్‌ మండలం ఆదిలవార్‌పేట్, గుడ్డిరాంపూర్, కోనంపేట్, ఆముదాలపల్లి, కోటపల్లి మండలం ఆయపల్లి, చింతకుంట, ఆడకపల్లి, మందమర్రి మండలం లిమూర్, కాసిపేట మండలం దేవపూర్, నెన్నెల మండలంలోని పుప్పాలవనిపేట, సీతనగర్, కుంమ్మపల్లి, బధ్రపూర్, మంకపూర్,బోదపూర్, భగీరథ్‌పేట, సింగపూర్, తాండూర్‌ మండలంలో వెంకాయపల్లి, అనకపెల్లి, మదనపూర్, రాంపూర్, భీమిని మండలంలోని రాం పూర్, సాలిగాం గ్రామాలు పేర్లు గల్లంతయ్యా యి.

విచిత్రమేమిటంటే.. ఇందులోని 20 గ్రామాల వరకు పేర్లు మాత్రమే ఉండగా.. అక్కడ జనంగానీ.. కనీసం ఇళ్లుగానీ లేవు. వ్యవసాయ భూములు మాత్రమే మిగిలి ఉన్నాయి. గ్రామశివారుతో పేర్లు మాత్రం రెవెన్యూ రికార్డులో ఉంటున్నాయని రెవెన్యూ అధికారులు పేర్కొ ంటున్నారు. ఏళ్ల క్రితం ఇక్కడ జనం ఉండే.. అంటున్నా.. ఇక్కడి జనం ఎక్కడికి వెళ్లారు..? మరి ఊరుపేరు మాత్రం ఎలా మిగిలింది..? 2011 జనాభా లెక్కలో ఆ గ్రామాల పేర్లు ఎలా వచ్చాయి..? అనేవి  జవాబు లేని ప్రశ్నలుగా మిగిలిపోతున్నాయి. 

ప్రస్తుతం జనాభా ఉన్న గ్రామాలు..
జిల్లా విభజన సమయంలో బెల్లంపలి రెవెన్యూ డివిజన్‌తోపాటు, చెన్నూర్, జైపూర్, కోటపల్లి, లక్సెట్టిపేట, మంచిర్యాల, మందమర్రి, చెన్నూర్, దండేపల్లి, జన్నారం, నెన్నెల, బెల్లంపల్లి, తాండూర్, వేమనపల్లి, భీమిని, మండలాలతోపాటు కొత్తగా హాజీపూర్, నస్పూర్, భీమారం, కన్నెపల్లి, మొత్తం 18 మండలాలు, 385 గ్రామాలతో జిల్లా ఆవిర్భవించింది. ఈ సమయంలో జిల్లా నుంచి 24 గ్రామాల పేర్లు గల్లంతు కాగా ఇందులో 20 గ్రామాలు కనుమరుగయ్యాయి. ఈ గ్రామాలలో నివసించే ప్రజలు సమీప గ్రామాలలో స్థిరనివాసాలు ఏర్పరుచుకుని జీవిస్తున్నట్లు రెవెన్యూ అధికారులు పేర్కొంటున్నారు. ప్రస్తుతం ఆ గ్రామాల్లో ఇళ్లు, జనాభా లేకపోయినా రెవెన్యూ రికార్డులో గ్రామ శివార్లు కొనసాగుతున్నాయి. గతంలో అక్కడ ఆ గ్రామాలు ఉన్నట్లు ఇప్పటికీ ఆనవాళ్లు కనిపిస్తున్నాయి. గతంలో గ్రామాల్లోని గ్రామదేవతలు కనిపిస్తున్నాయి. మిగితా 4 గ్రామాలలో ప్రజలు ఇప్పటికే కొనసాగిస్తున్నారు.

కాసిపేట మండలంలోని దేవపూర్‌లో అతిపెద్ద సిమెంట్‌ కర్మాగారం ఉంది. జిల్లావ్యాప్తంగా ఈ గ్రామం తెలియని వారు ఉండరు. సిమెంట్‌ కంపెనీపై ఆధారపడి కార్మికులు, ఇతరవర్గాలవారు, వ్యవసాయ కుటుంబాలు వేల సంఖ్యలో జీవిస్తున్నాయి. దీంతోపాటు గతంలో మందమర్రి మండలం ప్రస్తుతం ఇటీవల మున్సిపాలిటీగా ఆవిర్భవించిన క్యాతనపల్లి, కన్నెపల్లి మండలం సాలిగాం, భీమిని మండలంలోని రాంపూర్‌లో వేల సంఖ్యలో కుటుంబాలు ఉన్నాయి. తమ గ్రామం పేరు లేకుండా పోవడమేంటని ఇక్కడి ప్రజలు అవాక్కవుతున్నారు. సవరించి పంపించాం..

జిల్లా సరిహద్దు, మండలాలలు, గ్రామాలు, జనాభా వివరాలు పంపించాం. ఆ సమయంలో కొన్ని గ్రామాల పేర్లు గల్లంతవడంతో పాటు తప్పుగా వచ్చాయి. గల్లంతయిన గ్రామాల పేర్లతో పాటు తప్పులను తిరిగి సవరించి రాష్ట్ర కార్యాలయానికి పంపించాం. సెన్సెస్‌ కార్యాలయం వారు కొత్త జాబితాలో నమోదు చేయనున్నారు. రెవెన్యూ రికార్డుల ప్రకారం గ్రామశివారుతో పేర్లు మాత్రమే ఉన్నాయి.  

Read latest Telangana News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

వృత్తి చెత్త సేకరణ.. ప్రవృత్తి బైక్‌ రైడ్‌

‘తుమ్మిడిహెట్టి’ కోసం కదిలిన కాంగ్రెస్‌

విద్యార్థులు కలెక్టరేట్‌కు ర్యాలీ

వీరు అడగరు.. వాళ్లు ఇవ్వరు..

రాజకీయమంటే వ్యాపారం కాదు

ప్రభుత్వ ఆసుపత్రి మెట్లపై నిస్సహాయ స్థితిలో..

ఎట్టకేలకు మోసగాళ్ల అరెస్ట్‌ 

కాళేశ్వరానికి జాతీయ హోదా కల్పించాలి

మహాగణపతి నిమజ్జనం 11.30 లోపే..

ఎస్సారెస్పీ ఆయకట్టుకు ఎల్లంపల్లి నీరివ్వాలి

జీహెచ్‌ఎంసీ కమిషనర్‌గా లోకేష్‌ కుమార్‌

ఇక టోరా క్యాబ్స్‌

ఒక అడుగు ముందుకు.. రెండడుగులు వెనక్కి!

చొప్పదండి ఎమ్మెల్యేకు చుక్కెదురు.!

యాదాద్రికి మరో మణిహారం 'ఎయిమ్స్‌'

నా కూతురిని వేధిస్తున్నవారిపై చర్యలు తీసుకోండి

నాయకుల డైరెక్షన్‌లో రాజీకి యత్నం   

కాంగ్రెస్‌ పోరుబాట

సూపర్‌ ఫాస్ట్‌ క్షణాల్లో పైకి దూసుకురావడంతో..

విద్యుత్‌ అవినీతిపై సీబీఐకి సిద్ధమా?

‘సభ్యత్వ’ సమరం...

గ్రామాల్ని బాగు చేసుకుందాం

ఉద్యోగం కావాలంటే ఈ యాప్‌ ఉండాలి గురూ..!

ఎమ్మెల్సీగా సుఖేందర్‌రెడ్డి ప్రమాణం 

డెంగీ వ్యాక్సిన్‌ కనబడదేం?

మాంద్యం కోతేస్తది

తమ్మిడిహెట్టి పట్టదా? 

కుటుంబాలు చితికిపోతున్నాయ్‌!

మిషన్‌ భగీరథలో సగం ఖర్చు కేంద్రం భరించాలి

ఆంధ్రప్రదేశ్
తెలంగాణ
సినిమా

అమ్మకు ప్రేమతో.. దేవీ శ్రీ ప్రసాద్

‘ఇక్కడ రచయితలకు గౌరవం లేదు’

ప్రేమ కోసం పరిగెత్తాల్సిన అవసరం లేదు

విజయ్‌ వర్సెస్‌ విజయ్‌

సూర్య చిత్రానికి అడ్డంకులు

పీవీఆర్‌ సినిమాస్‌, సినీపొలిస్‌లకు షాక్‌