సాక్షి, హైదరాబాద్: ప్రభుత్వోద్యోగులకు ప్రకటించినట్టుగానే తమకు ఫిట్ మెంట్ కావాలని ఆర్టీసీ ఉద్యోగులు కోరనున్నారు. ఏపీ, తెలంగాణ ల్లోని ప్రభుత్వోద్యోగులతో సమానంగా ఆర్టీసీ కార్మికులకు వేతన సవరణ (ఫిట్‌మెంట్) చేయాలని కోరుతూ ఈ నెల 16న ఆర్టీసీ ఎండీకి నోటీసివ్వనున్నట్టు ఎంప్లాయిస్ యూనియన్, తెలంగాణ మజ్దూర్ యూనియన్ ప్రధాన కార్యదర్శులు కె.పద్మాకర్, ఇ.అశ్వద్ధామరెడ్డి శుక్రవారం ఒక ప్రకటనలో తెలిపారు. వేతనాల సవరణ ప్రక్రియ కోసం పే కమిటీ సమావేశం ఏర్పాటు చేయాలని కోరనున్నట్లు పేర్కొన్నారు.
