పల్లెటూరి వీరయ్యగా కనిపించనున్నారట చిరంజీవి. బాబీ దర్శకత్వంలో చిరంజీవి హీరోగా ఓ సినిమా రూపొందనున్న సంగతి తెలిసిందే. ఈ సినిమాకు సంబంధించిన స్క్రిప్ట్, ప్రీ ప్రొడక్షన్‌ ప్రారంభించారు బాబీ. ఈ చిత్రం పల్లెటూరి బ్యాక్‌డ్రాప్‌లో ఉంటుందనే టాక్‌ వినిపిస్తోంది. ‘వీరయ్య’ అనే టైటిల్‌ను అనుకుంటున్నారట. ప్రస్తుతం కొరటాల శివ దర్శకత్వంలో ‘ఆచార్య’లో నటిస్తున్నారు చిరంజీవి. ఆ సినిమా తర్వాత మోహన్‌ రాజా దర్శకత్వంలో మలయాళ ‘లూసిఫర్‌’ తెలుగు రీమేక్‌లో నటిస్తారు చిరంజీవి. ఆ తర్వాత బాబీ తెరకెక్కించే సినిమా షూటింగ్‌లో పాల్గొంటారు.
