అండర్‌కవర్‌ ఆపరేషన్‌ కోసం రెడీ అయ్యారు పరిణీతీ చోప్రా. రిబూ దాస్‌ గుప్తా దర్శకత్వంలో ఓ లేడీ ఓరియంటెడ్‌ సినిమా కమిట్‌ అయ్యారు ఈ బాలీవుడ్‌ బ్యూటీ. రిలయన్స్‌ ఎంటర్‌టైన్‌మెంట్‌ నిర్మిస్తున్న ఈ సినిమాలో అండర్‌ కవర్‌ ఏజెంట్‌గా కనిపిస్తారు పరిణీతి. ఓ భారీ ఆపరేషన్‌ కోసం తన టీమ్‌తో కలసి ఓ మిషన్‌ మీద పాకిస్తాన్‌ వెళ్తారట. వచ్చే ఏడాది మార్చి నుంచి ఈ సినిమా సెట్స్‌ మీదకు వెళ్లనుంది. ప్రస్తుతం ఈ సినిమా చిత్రీకరణకు సంబంధించిన లొకేషన్స్‌ ఫైనల్‌ చేస్తున్నారట. పరిణీతీ, దర్శకుడు రిబూ దాస్‌ గుప్తా కాంబినేషన్‌లో తెరకెక్కనున్న రెండో చిత్రమిది. ఇటీవలే వీరు ‘ఏ గాళ్‌ ఆన్‌ ది ట్రైన్‌’ సినిమా చేశారు. ఆ సినిమా విడుదల కావాల్సి ఉంది.
