సాక్షి, హైదరాబాద్‌: 2022–23 విద్యాసంవత్సరానికి సంబంధించి బీ–ఫార్మసీ, ఫార్మా–డీ, బయోటెక్నాలజీ కోర్సుల కోసం ఎంసెట్‌–22(బైపీసీ) ప్రవేశాల కౌన్సెలింగ్‌ షెడ్యూల్‌ను సాంకేతిక విద్యాశాఖ కమిషనర్, ఎంసెట్‌ కన్వీనర్‌ నవీన్‌ మిట్టల్‌ శనివారం విడుదల చేశారు. రెండుదశల్లో ఈ కౌన్సెలింగ్‌ నిర్వహించనున్నట్లు వెల్లడించారు.
కౌన్సెలింగ్‌కు సంబంధించిన పూర్తిస్థాయి నోటిఫికేషన్, హెల్ప్‌లైన్‌ కేంద్రాల వివరాలు, కౌన్సెలింగ్‌ ప్రక్రియ సమాచారాన్ని టీఎస్‌ ఎంసెట్‌ వెబ్‌సైట్‌లో ఈ నెల 27న అందుబాటులో ఉంచుతామని స్పష్టం చేశారు.
