హైదరాబాద్, బిజినెస్ బ్యూరో: సైకిల్స్‌ తయారీలో ఉన్న హీరో సైకిల్స్‌ ఈ–కామర్స్‌ పోర్టల్‌ను ప్రారంభించింది. కస్టమర్లు నేరుగా ఈ వెబ్‌సైట్‌ ద్వారా తమకు నచ్చిన సైకిల్‌ కోసం ఆర్డర్‌ చేయవచ్చు. తద్వారా ఉచితంగా ఇంటి వద్దనే ఉత్పత్తులను అందుకోవచ్చు.
దేశవ్యాప్తంగా 3,000 పైచిలుకు డీలర్ల వ్యాపారం పెరుగుదలకు ఈ వేదిక దోహదం చేయనుందని కంపెనీ చెబుతోంది. ‘సైకిళ్లు, ఈ–సైకిళ్ల వినియోగాన్ని పెంచాలని భావిస్తున్నాం. ఈ దిశగా వెబ్‌సైట్‌ సేవలు అందిస్తుంది’ అని హీరో సైకిల్స్‌ డైరెక్టర్‌ ఆదిత్య ముంజాల్‌ తెలిపారు.
చదవండి: బీభత్సమైన ఆఫర్‌: జస్ట్‌ కామెంట్ చేస్తే చాలు.. ఉచితంగా రూ.30 వేల స్మార్ట్ఫోన్!