ప్రయాణికుల ముసుగులో.. దారిదోపిడీలు

13 Jul, 2019 11:03 IST|Sakshi
వివరాలు వెల్లడిస్తున్న కార్ఖానా సీఐ మధుకర్‌ స్వామి

ప్రయాణికులను ఏమారుస్తూ దోపిడీలకు పాల్పడుతున్న ఆటో డ్రైవర్లు

ఐదుగురు సభ్యుల ముఠా అరెస్ట్‌  

మై ఆటో ఈజ్‌ సేఫ్‌ యాప్‌ను వినియోగించుకోవాలని సూచన

కంటోన్మెంట్‌: ప్రజల భద్రత కోసం పోలీసులు అధునాతన టెక్నాలజీతో కూడిన పలు వినూత్న కార్యక్రమాలు ప్రవేశపెడుతున్నా... వాటిపై సరైన అవగాహన లేకపోవడంతో అవి సత్ఫలితాలు ఇవ్వడం లేదు. ప్రజల భద్రత కోసం ప్రవేశపెట్టిన మొబైల్‌ యాప్‌లు సహా ఇతర సలహాలు, సూచనలు పాటించడంలో ప్రజల నిర్లక్ష్యాన్ని నేరగాళ్లు ఎంచక్కా క్యాష్‌ చేసుకుంటున్నారు. నగరం నడిబొడ్డునే సంచరిస్తూ అమాయక ప్రజలను దోచుకుంటూ పోలీసులకు సవాల్‌ విసురుతున్నారు. ఇలాంటి దోపిడీ ముఠాకు చెందిన సభ్యులను కార్ఖానా పోలీసులు అదుపులోకి తీసుకున్నారు. మరికొందరిని త్వరలోనే పట్టుకుంటామని తెలిపారు. వివరాల్లోకి వెళితే జూబ్లీ బస్‌ స్టేషన్, సికింద్రాబాద్‌ రైల్వే స్టేషన్‌ కేంద్రంగా రాత్రివేళల్లో ప్రయాణించే అమాయకులను టార్గెట్‌ చేసుకుని దోపిడీకి పాల్పడుతున్న ఐదుగురు వ్యక్తులను కార్ఖానా పోలీసులు పట్టుకుని రిమాండ్‌కు తరలించారు. శుక్రవారం కార్ఖానా సీఐ మధుకర్‌ స్వామి వివరాలు వెల్లడించారు. 

బాధితుడి ఫిర్యాదుతో..
కార్ఖానాకు చెందిన రామచందర్‌ అనే వ్యక్తి ఈ నెల 6న పటాన్‌ చెరువు వెళ్లి, రాత్రి 11.00 గంటలకు సికింద్రాబాద్‌ 31 బస్టాప్‌ వద్దకు వచ్చాడు. అక్కడినుంచి కార్ఖానా వెళ్లేందుకు అతను బస్సు కోసం ఎదురు చూస్తుండగా ఓ ఆటోడ్రైవర్‌ వచ్చి తాను అటే వెళ్తున్నానని చెప్పి ఆటోలో ఎక్కించుకున్నాడు. అప్పటికే ఆ ఆటో మరో వ్యక్తి ఉన్నాడు. మార్గంలో మరో ఇద్దరు ప్రయాణికులను ఎక్కించుకుని,  రామచందర్‌ను దారి మళ్లించి బాంటియా గార్డెన్‌ ఎదురుగా ఉన్న ఓంబిర్‌ కాలనీలోకి తీసుకెళ్లారు. అక్కడ నిర్మానుష్య ప్రదేశంలో ఆటో డ్రైవర్‌తో సహా ప్రయాణికుల మాదిరిగా ఆటోలో ఉన్న అతని అనుచరులు దాడి చేసి రామచందర్‌ వద్ద ఉన్న నగదు, సెల్‌ఫోన్‌ సహా ఇతర పత్రాలను సైతం లాక్కున్నారు. అదే రోజు అర్ధరాత్రి బాధితుడు కార్ఖానా పోలీసులకు ఫిర్యాదు చేశాడు. కేసు నమోదు చేసుకుని దర్యాప్తు చేపట్టిన పోలీసులు ఎట్టకేలకు నిందితులు అర్మన్‌ ఆలమ్, అక్షయ్‌ చంద్రశేఖర్‌ సూర్య వంశి, దీపక్‌ యాదవ్, హారీ రాజు ఫ్రాన్సిస్, బొమ్మకంటి ప్రదీప్‌ గౌడ్‌లను అదుపులోకి తీసుకుని రిమాండ్‌కు తరలించారు. ఓ కచ్చితమైన చిరునామా అంటూ లేని జులాయి వ్యక్తులు ముఠాగా ఏర్పడి నగరంతో పాటు, రాచకొండ, సైబరాబాద్‌ పరిధిలో పలు దారిదోపిడీలకు పాల్పడుతున్నట్లు గుర్తించామని సీఐ తెలిపారు. తాజా కేసులో నిందితులు గతంలోనూ పలు కేసుల్లో నిందితులుగా ఉన్నారని, కొన్ని కేసుల్లో శిక్ష కూడా అనుభవించారన్నారు. సమావేశంలో డిటెక్టివ్‌ ఇన్‌స్పెక్టర్‌ నేతాజీ, ఎస్‌ఐలు రవిపాల్, సందీప్‌రెడ్డి పాల్గొన్నారు. 

100 కెమెరాలూ కనిపెట్టలేక పోయాయ్‌!
ఒక్క కెమెరా 100 మంది పోలీసులతో సమానం అంటూ ప్రచారం చేసిన పోలీసులకు, దారి దోపిడీ దొంగలను పట్టుకోవడంలో 100 కెమెరాలు సైతం ఉపయోగపడకపోవడం గమనార్హం. దారి దోపిడీ కేసును చేధించేందుకు ప్రత్యేక బృందాన్ని ఏర్పా టు చేసిన పోలీసులు బాధితుడు వెల్లడించిన ఆధారాల మేరకు బస్‌స్టేషన్‌ సమీపంలోని ఆటోలపై నిఘా పెట్టారు. ఆటో వెనుక భాగంలో ‘మై ఆటో ఈజ్‌ సేఫ్‌’ అన్న స్టిక్కర్, అపాచీ టూ వీలర్‌ యాడ్, హెడ్‌లైట్‌ పనిచేయక పోవడం వంటి ఆధారాలతో సీసీ కెమెరాల ద్వారా ఓ ఆటోను గుర్తించారు. అయితే సంఘటన జరిగిన సమీపంలోని 100 కెమెరాల్లోనూ సంబంధిత ఆటో నెంబర్‌ను గుర్తించలేకపోయారు. ఎట్టకేలకు పాత పద్ధతిలోనే తాము గుర్తించిన ఆటోను వెంబడించి నిందితులను అదుపులోకి తీసుకున్నారు. ప్రయాణికుల భద్రత కోసం పోలీసులు ప్రవేశపెట్టిన మై ఆటో ఈజ్‌ సేఫ్, హాక్‌ ఐ వంటి మొబైల్‌ యాప్‌లను సద్వినియోగం చేసుకోవాలని పోలీసులు సూచిస్తున్నారు.

Read latest Crime News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

అక్కాచెల్లెల్ని బంధించి రెండు నెలలుగా..

సీఎం పీఏ అంటూ..డబ్బులు డిమాండ్‌

కాగ్నిజెంట్‌ ఉద్యోగి ఆత్మహత్య

బాలికను వేధించిన వాచ్‌మెన్‌కు దేహశుద్ధి

ప్రధాన సూత్రధారి కోగంటి సత్యమే...

రూ. 3.3 కోట్లు దోచేసి.. దర్జాగా..

ట్రిపుల్‌ మర్డర్: రక్తంతో శివుడికి అభిషేకం

తల ఛిద్రం; మోడల్‌ దారుణ హత్య

బాలుడి మృతి.. తల్లి పైనే అనుమానం...

కాంగ్రెస్‌ ఎమ్మెల్యే జగ్గారెడ్డి అరెస్ట్‌

అధికారుల నిర్లక్ష్యంతో నిండు ప్రాణం బలి

గిద్దలూరు వాసి చిత్తూరులో ఆత్మహత్య

వేధింపులు తాళలేక మహిళ ఆత్మహత్య

పుట్టినరోజు వేడుకలకు వెళ్లిన యువతి..

అంత్యక్రియల అనంతరం నిలదీస్తే.. ఒప్పుకొన్న భర్త

తల్లి జబ్బుపడిందని.. కుమార్తె ఆత్మహత్య

సాక్షి భయపడినట్టే.. కోర్టు ఆవరణలోనే ఘటన

తమ్ముడిపై కొడవలితో దాడి

పోలీసునంటూ షాపులో దౌర్జన్యం

యువకుడి మృతదేహం లభ్యం

లారీ డ్రైవర్‌పై బ్లేడ్‌ బ్యాచ్‌ దాడి

టోల్‌గేట్‌ బిల్లింగ్‌ బూత్‌ను ఢీకొన్న లారీ

క్యాషియర్‌పై దాడి చేసి దోపిడీ

అనంతపురంలో క్షుద్రపూజల కలకలం!

నిర్లక్ష్య‘భటులు’..!

కలిదిండిలో కక్షతో.. భర్త లేని సమయంలో దాడి!

ఇటీవలే శ్రీలంక పర్యటన.. క్షణికావేశంలో ఆత్మహత్య

ఆ తల్లికి ఎంత కష్టమొచ్చిందో...!

వివాహేతర సంబంధంపై అనుమానంతో..

మాట్లాడుతుండగా పేలిన సెల్‌ఫోన్‌

ఆంధ్రప్రదేశ్
తెలంగాణ
సినిమా

ఏం వెతుకుతున్నారు?

అదే నా ప్లస్‌ పాయింట్‌

‘అవును.. మేము పెళ్లి చేసుకున్నాం’

విలక్షణ నటుడి సరికొత్త అవతారం!

ఉత్కంఠ భరితంగా ‘వార్‌’ టీజర్‌

‘బాటిల్‌ని తన్నకండి.. నీటిని కాపాడండి’