- జలాశయంలో 37.508 టీఎంసీల నీరు నిల్వ
సోమశిల: బంగాళఖాతంలో ఏర్పడ్డ అల్పపీడన ప్రభావంతో కురిసిన వర్షాలకు సోమశిల జలాశయానికి మంగళవారం 8,646 క్యూసెక్కుల వంతున వరద ప్రవాహం వచ్చి చేరుతోంది. జలాశయంలో 37.508 టీఎంసీల నీరు నిల్వ ఉంది. జలాశయం నుంచి పెన్నార్‌ డెల్టాకు విడుదలవుతున్న నీటిని నిలుపుదల చేశారు. అలాగే ఉత్తర, దక్షిణ కాలువలకు కూడా నిలిపి వేశారు. ప్రస్తుతం జలాశయంలో 93.555 మీటర్లు , 306.501 అడుగు మట్టం నమోదైంది. జలాశయం వద్ద 18 సెంటీ మీటర్ల వర్షపాతం నమోదైంది.
