కారులో మహిళ బిగుసుకుపోయిందని వెళ్తే..

ఒక కారు రోడ్డు మీద పార్క్ చేసి ఉంది. అందులో మహిళ బిగుసుకుపోయి కనపడింది. బహుశా మంచు వల్ల చలి ఎక్కువై ఆమె అలా అయిపోయి ఉంటుందని పోలీసులు కంగారు పడ్డారు. హడావుడిగా వెళ్లి అద్దాలు పగలగొట్టారు. తీరా చూస్తే లోపల ఉన్నది మహిళ కాదు.. అచ్చం మనిషిలాగే కనిపిస్తున్న బొమ్మ!! దాన్ని చూసి న్యూయార్క్ పోలీసులు కంగుతిన్నారు. హడ్సన్ నగరంలో రోడ్డు మీద పార్క్ చేసి ఉన్న కారులో ఎవరో మహిళ చనిపోయి, బిగుసుకుపోయినట్లు కనిపిస్తోందని గుర్తుతెలియని వ్యక్తులు పోలీసులకు సమాచారం అందించారు. వెంటనే అధికారులు అక్కడకు వెళ్లి చూడగా, మంచుతో కప్పబడిపోయి ఉన్న కారు కనిపించింది.