శ్రీ పవార్ హీరోగా నటì ంచి, దర్శకత్వం వహించిన చిత్రం ‘2 అవర్స్‌ లవ్‌’. కృతి గార్గ్‌ హీరోయిన్‌గా నటించారు. శ్రీనిక క్రియేటివ్‌ వర్క్స్‌ నిర్మాణంలో రూపొందిన ఈ సినిమా పోస్ట్‌ ప్రొడక్షన్‌ పనులు శరవేగంగా జరుగుతున్నాయి. హీరో, దర్శకుడు శ్రీపవార్‌ మాట్లాడుతూ– ‘‘ఇప్పటి వరకూ చాలా ప్రేమ కథలు చూసుంటారు. కానీ, సరికొత్త ప్రేమ కథాంశంతో మా సినిమా రూపొందింది. సినిమా ఔట్‌ పుట్‌ చాలా బాగా వచ్చింది. ఇద్దరు ప్రేమికుల మధ్య, ప్రేమలో వచ్చే సమస్యలు ఎలా ఉంటాయనే విషయాన్ని మా సినిమాలో చూపించాం. యూత్‌ఫుల్‌ లవ్‌ ఎంటర్‌టైనర్‌. హార్ట్‌ టచింగ్‌ ఎమోషన్స్‌ ఉంటాయి. తర్వలోనే ట్రైలర్‌ను రిలీజ్‌ చేసి, సినిమా విడుదల తేదీని ప్రకటిస్తాం’’ అన్నారు. తనికెళ్ల భరణి, నర్సింగ్‌ యాదవ్, అశోక్‌ వర్ధన్‌ తదితరులు నటించిన ఈ చిత్రానికి కెమెరా: పవ్రీణ్‌ వనమాలి, సంగీతం: గ్యానిసింగ్, ఎగ్జిక్యూటివ్‌ ప్రొడ్యూసర్‌: అఖిల గంజి.
