దుబాయ్: సెలిబ్రెటీ రేంజ్ కు వెళితే ఎవరికైనా కాస్తా కూస్తో ఇగో కూడా ఉంటుంది. అయితే మన బిగ్ బి అమితాబ్ బచ్చన్(72) కు అసలు ఇగోనే లేదట. ఆ విషయాన్ని ఆయనే స్వయంగా వెల్లడించారు. షమితాబ్ చిత్ర ప్రమోషన్ లో భాగంగా తన అధికారిక బ్లాగ్ లో అమితాబ్ తన అభిప్రాయాల్ని పంచుకున్నాడు. ఈ చిత్రంలో ధనుష్, అక్షర, అమితాబచ్చన్ లు ప్రధాన పాత్రలు పోషించనున్నారు.
ఈ సందర్భంగా అమితాబ్ స్పందిస్తూ.. తన వృత్తిలో ఎప్పుడూ ఇగోను దరిచేరనీయలేదన్నాడు. తనకు సొంత ప్రయోజనాలు, సొంత అభిప్రాయాల గురించి తెలియదన్నాడు. అసలు ఆ విషయాన్ని కొస్తే తన సొంత ప్రయోజనాలకు ఏనాడు పెద్ద పీట వేయలేదని అమితాబ్ స్పష్టం చేశాడు. మిగతా వారికి ఇగో ఉందా?లేదా అనేది తనకు తెలియదన్నాడు.
