సినిమాలో హీరోయిన్‌గా వచ్చే క్రేజ్‌ కంటే.. ఒక్క ఐటెంసాంగ్‌తో వచ్చే స్టార్‌డమ్‌ ఎక్కవ. అందుకే మన టాలీవుడ్‌లో ప్రత్యేక గీతాలది ప్రత్యేక స్థానం. మాస్‌ను ఆకట్టుకునే ఈ పాటలతో నటించే హీరోయిన్లకు డిమాండ్‌ ఎక్కువగానే ఉంటుంది.
స్టార్ హీరోయిన్లు ఐటెంసాంగ్‌ చేస్తున్నారంటే మరింత స్పెషల్‌గా డిజైన్‌ చేస్తారు మేకర్స్‌. తమన్నా, కాజల్‌ అగర్వాల్‌ ప్రత్యేక గీతాలతో మాస్‌ను ఆకట్టుకున్నారు. జనతా గ్యారెజ్‌లో పక్కా లోకల్‌ అంటూ ఓ ఊపు ఊపిన కాజల్‌.. మరో సారి ఓ స్పెషల్‌ సాంగ్‌తో ఆడియన్స్‌ను ఆకట్టుకునేందుకు రెడీ అవుతున్నట్లు సమాచారం. స్టైలీష్‌ స్టార్ అల్లు అర్జున్, త్రివిక్రమ్‌ కాంబినేషన్‌లో రాబోతోన్న చిత్రంలో కాజల్‌ స్పెషల్‌ సాంగ్‌ చేస్తున్నట్లు తెలుస్తోంది. ఇటీవలె రెండో షెడ్యూల్‌ను ప్రారంభించగా.. నివేథా పేతురాజ్‌ జాయిన్‌ అయినట్లు యూనిట్‌ ప్రకటించింది.
