‘స్వేచ్ఛలేని జీవితమంటే శత్రువు లేని యుద్ధం లాంటిది. ఈ సమాజంలోని ప్రతి ప్రేమికుడు సైనికుడితో సమానం. స్వచ్ఛమైన ప్రేమను ఆ ప్రేమే గెలిపించుకుంటుంది. శత్రువులు లేని యుద్ధంలో స్వేచ్ఛగా ప్రేమను గెలిచిన సైనికుడులాంటి ఓ సామాన్యుడి ప్రేమకథ మా ‘మళ్ళీ మళ్ళీ చూశా’’ అని దర్శకుడు హేమంత్‌ కార్తీక్‌ అన్నారు. అనురాగ్‌ కొణిదెన హీరోగా శ్వేత అవస్తి, కైరవి తక్కర్‌ హీరోయిన్లుగా హేమంత్‌ కార్తీక్‌ దర్శకత్వంలో కె.కోటేశ్వరరావు నిర్మించిన ‘మళ్ళీ మళ్ళీ చూశా’ పోస్ట్‌ ప్రొడక్షన్‌తో సహా అన్ని పనులు పూర్తి అయిన సందర్భంగా చిత్ర యూనిట్‌ గుమ్మడికాయ కొట్టారు. సెన్సార్‌ కార్యక్రమాలు జరుపుకుంటున్న ఈ చిత్రాన్ని ఈ నెలలోనే విడుదల చేయడానికి సన్నాహాలు చేస్తున్నారు.
ఈ సందర్భంగా కె. కోటేశ్వరరావు మాట్లాడుతూ– ‘‘ఒక మంచి పుస్తకం, ఒక మంచి స్నేహితుడితో సమానం. మా సినిమా కూడా చూసిన వారికి ఒక మంచి ఫ్రెండ్‌ అవుతుంది. జీవితం సంతోషంగా ఉండాలంటే ఆలోచనలు అందంగా ఉండాలి. అలాంటి అందమైన ఆలోచనల సమాహారమే మా సినిమా. ఇటీవల మా సినిమాను చూసిన కొంతమంది ఇండస్ట్రీ పెద్దలు అభినందించడంతో విజయం పట్ల నమ్మకం పెరిగింది’’ అన్నారు. అన్నపూర్ణమ్మ, అజయ్, మధుమణి, ప్రభాకర్, పావని, జయలక్మి తదితరులు నటì ంచిన ఈ చిత్రానికి సంగీతం : శ్రవణ్‌ భరద్వాజ్, కెమెరా: సతీష్‌ ముత్యాల, ఎగ్జిక్యూటివ్‌ ప్రొడ్యూసర్‌: సాయిసతీష్‌ పాలకుర్తి.
