అహ్మదాబాద్: బాలీవుడ్ సూపర్‌స్టార్ షారుక్ ఖాన్ కారుపై కొందరు గుర్తుతెలియని వ్యక్తులు రాళ్ల దాడి చేశారు. అహ్మదాబాద్ సమీపంలో ‘రయీస్’ సినిమా చిత్రీకరణ సందర్భంగా ఈ సంఘటన జరిగింది. దాడి సమయంలో షారూక్ కారులో లేరు. ‘జై శ్రీరాం, షారూక్ హై హై’ అంటూ కొందరు కారు వద్ద నినాదాలు చేశారని, సినిమా లోకేషన్‌కు దగ్గర్లోనే ఈ ఘటన జరిగిందని పోలీసులు తెలిపారు. 1980లలో అహ్మదాబాద్ అండర్‌వరల్డ్ డాన్ అబ్దుల్ లతీఫ్ షేక్ జీవితం ఆధారంగా ‘రయీస్’ సినిమా తెరకెక్కుతోంది.
