ఖరగ్పూర్: ముంబై నుంచి హౌరా వెళ్తున్న గీతాంజలి ఎక్స్ప్రెస్ రైలులో ఓ ప్రయాణికుడు అనుమానాస్పద స్థితిలో మరణించాడు. ఈ విషయం గమనించిన తోటి ప్రయాణికులు రైల్వే పోలీసులకు సమాచారం అందించారు. రైలు పశ్చిమబెంగాల్లోని ఖరగ్పూర్ స్టేషన్కు చేరుకోగానే పోలీసులు ప్రయాణికుడి మృతదేహాన్ని స్వాధీనం చేసుకున్నారు. మృతుడికి సంబంధించిన లగేజిని పరిశీలించగా భారీ మొత్తంలో డబ్బు ఉన్నట్టు కనుగొన్నారు. ఓ బ్యాగ్లో కోటి రూపాయల నగదు ఉన్నట్టు పోలీసులు గుర్తించారు.
మృతుడు చత్తీస్గఢ్కు చెందిన వ్యక్తిగా పోలీసులు గుర్తించారు. ప్రయాణికుడి మరణానికి కారణమేంటి? ఆయన ఒంటరిగా అంత డబ్బును తీసుకువెళ్లడానికి గల కారణాలు తెలియాల్సివుంది. పోలీసులు కేసు నమోదు చేసుకుని విచారిస్తున్నారు.
