సాక్షి, మీర్‌పేట: వ్యభిచారం నిర్వహిస్తున్న ముగ్గురిని పోలీసులు అరెస్టు చేశారు. ఈ సంఘటన మీర్‌పేట పోలీస్‌స్టేషన్‌ పరిధిలో చోటుచేసుకుంది. సీఐ మహేందర్‌రెడ్డి కథనం ప్రకారం.. అంబర్‌పేట పటేల్‌నగర్‌కు చెందిన నస్రీన్‌బేగం(35) కేటరింగ్‌ నిర్వహిస్తోంది. ఈమె టీకేఆర్‌ కమాన్‌ సమీపంలోని ఓ ఇంట్లో వ్యభిచారం నిర్వహిస్తున్నట్లు సమాచారం అందుకున్న పోలీసులు గురువారం సాయంత్రం దాడి చేశారు. నిర్వాహకురాలు నస్రీన్‌బేగంతో పాటు మరో ఇద్దరు యువతులను అరెస్ట్‌ చేసి రిమాండ్‌కు తరలించారు.
చదవండి: (14 ఏళ్ల మేనల్లుడితో శారీరక వాంఛలు.. వీడియో రికార్డ్‌ చేసి..)
