ఉందిలే కరువు నేల 'అనంత'కు మంచికాలం 

22 Nov, 2019 08:05 IST|Sakshi

13వేల ఎకరాల భారీ భూ బ్యాంకు 

పరిశ్రమల కోసం సిద్ధం చేస్తున్న ఏపీఐఐసీ 

ఐదేళ్ల కోసం ముందస్తు ప్రణాళిక 

నియోజకవర్గానికో పారిశ్రామిక పార్కు 

వెనుకబడిన ప్రాంతాలపై ప్రత్యేక దృష్టి 

పారిశ్రామిక వర్గాల్లో చర్చనీయాంశంగా ప్రభుత్వ నిర్ణయం 

పారిశ్రామిక అభివృద్ధి దిశగా ప్రభుత్వం అడుగులు వేస్తోంది. కరువు జిల్లాలో మానవ వనరులకు కొదవ లేకపోవడం.. సాంకేతిక చేయూతకు యూనివర్సిటీలు సిద్ధంగా ఉండటం.. మెరుగైన రవాణా సౌకర్యం.. అన్నింటికీ మించి పరిశ్రమల ఏర్పాటుకు అవసరమైన భూమి.. వెరసి కంపెనీల ఏర్పాటుకు ‘అనంత’ సాదర స్వాగతం పలుకుతోంది. ఇందులో భాగంగా రానున్న ఐదేళ్ల కాలంలో 13వేల ఎకరాలకు పైగా భూమిని సేకరించేందుకు ఆంధ్రప్రదేశ్‌ పారిశ్రామిక మౌలిక సదుపాయాల సంస్థ(ఏపీఐఐసీ) ప్రణాళికను సిద్ధం చేసుకుంది. 

సాక్షి, అనంతపురం: జిల్లాలో కేవలం వ్యవసాయం మీదనే ఆధారపడి ప్రజానీకం జీవనం సాగిస్తున్నారు. అయితే, పొలాలకు కూడా వర్షాలే దిక్కు. ఈ నేపథ్యంలో పారిశ్రామికంగా జిల్లాను అభివృద్ధి చేస్తేనే పేదరికాన్ని పారదోలే అవకాశం ఉంటుంది. ఇదే అంశాన్ని కొద్దిరోజుల క్రితం రాష్ట్ర రాజధానితో పాటు రాష్ట్ర సమగ్రాభివృద్ధి కోసం ఏర్పాటు చేసిన నిపుణుల కమిటీ సమావేశంలో కూడా జిల్లా ఉన్నతాధికారులు స్పష్టం చేశారు. మరోవైపు పరిశ్రమల ఏర్పాటుకు రాష్ట్ర ప్రభుత్వం కూడా కొత్త పారిశ్రామిక విధానాన్ని తీసుకొచ్చేందుకు ప్రయత్నాలు ప్రారంభించింది. 2020–25 సంవత్సరాలకు నూతన పారిశ్రామిక విధానాన్ని వచ్చే ఏడాదిలోనే ప్రకటించనుంది. ఇందులో వెనుకబడిన ప్రాంతాల్లో పారిశ్రామిక అభివృద్ధి కోసం ప్రత్యేకంగా చర్యలు తీసుకోనున్నారనే అభిప్రాయం వ్యక్తమవుతోంది. నియోజకవర్గానికో పారిశ్రామిక పార్కు ఏర్పాటు దిశగా కూడా ప్రభుత్వం ఆలోచిస్తోంది. ఈ నేపథ్యంలో ఏదైనా పరిశ్రమ జిల్లాలో యూనిట్‌ను ఏర్పాటు చేసేందుకు ముందుకు వచ్చిన వెంటనే అనువైన భూమిని చూపించేందుకు భారీ భూ బ్యాంకును సిద్ధం చేస్తుండటం విశేషం. 

మౌలిక సదుపాయాల్లో మేటి 
రాష్ట్ర విభజన తర్వాత మొత్తం 13 జిల్లాలో భారీగా భూమి లభ్యమయ్యే జిల్లాల్లో అనంత రెండో స్థానంలో ఉంది. కర్నూలులో ఇప్పటికే 30వేల ఎకరాల భూమి సిద్ధంగా ఉంది. ఆ తర్వాత ఎక్కువ భూమి లభించే ప్రాంతం అనంతనే. అందువల్ల ఏదైనా పరిశ్రమ నెలకొల్పేందుకు ముందుకు వస్తే.. అవసరమైన భూమిని చూపించేందుకు ఈ  భూ బ్యాంకు దోహదపడనుంది. ఇక పరిశ్రమలకు అవసరమయ్యే విద్యుత్‌తో పాటు బెంగళూరు విమానాశ్రయం కేవలం 200 కిలోమీటర్ల దూరంలోనే ఉంది. కొత్తగా అనంతపురం నుంచి అమరావతికి రహదారి నిర్మాణం జరగనుంది. తద్వారా రాష్ట్ర రాజధానికి కూడా కనెక్టివిటీ ఏర్పడనుంది. పుట్టపర్తి విమానాశ్రయాన్ని కూడా ప్రభుత్వం తీసుకోవాలనే యోచనలో ఉంది. తద్వారా ఆయా కంపెనీల ఉద్యోగుల రాకపోకలకు మరింత అనువుగా ఉండనుంది. ఇప్పటికే హిందూపురంలో అనేక పరిశ్రమలు ఏర్పాటయ్యాయి. ఇక మానవ వనరులు జిల్లాలో పుష్కలంగా ఉన్నాయి. యూనివర్సిటీలు కూడా ఉన్న నేపథ్యంలో సాంకేతిక నిపుణుల కొరత కూడా ఇబ్బంది కూడా లేదు. మొత్తమ్మీద జిల్లాలో పారిశ్రామిక ప్రగతికి అనువైన మౌలిక సదుపాయాలున్న నేపథ్యంలో భూమిని కూడా సిద్ధం చేయడం ద్వారా యువతకు మరింత ఉపాధి లభించే అవకాశం ఏర్పడనుంది. 

జిల్లాలో ఎలక్ట్రిక్‌ బస్సుల తయారీ యూనిట్‌ 
జిల్లాలో ఎలక్ట్రిక్‌ బస్సుల తయారీ యూనిట్‌ ఏర్పాటు కానుంది. సుమారు 120 ఎకరాల విస్తీర్ణంలో వీరా వాహన ఉద్యోగ్‌ లిమిటెడ్‌ కంపెనీ రూ.వెయ్యి కోట్ల పెట్టుబడితో ఈ యూనిట్‌ను ఏర్పాటు చేసేందుకు ముందుకొచ్చింది. యూనిట్‌ ద్వారా ఏడాదికి 3వేల బస్సులు జిల్లాలో తయారు కానున్నాయి. ఇందుకు అనుగుణంగా సదరు సంస్థకు ఏపీఐఐసీ ద్వారా 120 ఎకరాల భూమిని కేటాయిస్తూ ప్రభుత్వం నిర్ణయం తీసుకుంది. ప్రభుత్వం భూ బ్యాంకును సిద్ధం చేస్తున్న తరుణంలో ఓ కంపెనీ తమ యూనిట్‌ ఏర్పాటుకు ముందుకు రావడం శుభపరిణామం.

ఏడాదిలో భూసేకరణ లక్ష్యం 
మండలం    భూ విస్తీర్ణం (ఎ‘‘ల్లో) 
కనగానపల్లి    3606.26 
ధర్మవరం    533.52 
కళ్యాణదుర్గం    106.07 
గుంతకల్లు    103.97 
అనంతపురం    33.38 
కదిరి    93.11 
ఉరవకొండ    26.21 
మడకశిర    1648.82 
పెనుకొండ    21.17 
పుట్టపర్తి    522.39  

Read latest Andhra-pradesh News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

నేటి ముఖ్యాంశాలు..

ఆర్టీసీ బస్సు బోల్తా.. 15మందికి గాయాలు

నళిని ప్రాణాలతో ఉందా.. చంపేశారా..?

జర్నలిస్టుల సంక్షేమంపై సీఎం ప్రత్యేక శ్రద్ధ

శ్రీశైలం జలాశయానికి ముప్పులేదు

డిమాండ్‌కు మించి ఇసుక నిల్వలు

సమన్వయంతో పనిచేస్తే మంచి ఫలితాలు

నేను మొదట్నుంచీ ఇంగ్లిషే : లోకేశ్‌

అవినీతిపై యుద్ధంలో మరో అడుగు

మార్చి 31 నాటికి స్థానిక సంస్థల ఎన్నికలు

ఏపీలో 2,068 గ్రామాలకు మొబైల్‌ ఫోన్‌ సేవలు లేవు..

ఏపీకి మరో భారీ పరిశ్రమ

మరో నెల.. కిలో ఉల్లి రూ.25కే

మంచి చేయడం తప్పా?

‘ఆయన నోట్లో నోరుపెడితే బురదలో రాయి వేసినట్టే’

తిరుపతి ఎయిర్‌పోర్ట్‌లో ప్రయాణికుల ఆందోళన

ఈనాటి ముఖ్యాంశాలు

అయోధ్య తీర్పు: సుప్రీం కోర్టుకు ఆ అధికారం ఎక్కడిది? 

‘మత్స్య సంపదకు ఇబ్బంది రాకూడదు’

'పాఠశాల తీరుని బట్టి గ్రేడింగ్‌ ఇస్తాం'

అలా చెప్పుకునేది ఒక్క చంద్రబాబే: బుగ‍్గన

ధ్వజమెత్తిన మంత్రి కొడాలి నాని

ఐఐఎంతో ఏపీప్రభుత్వం ఒప్పందం

‘అందుకే లూలూ సంస్థకు భూములు రద్దు చేశాం’

75 నగరాల్లో ఉపాధ్యాయులకు సెంటా పోటీలు

‘మాటలు చెప్తూ కాలం గడిపే ప్రభుత్వం కాదు’

ఎల్లో జర్నలిజానికి వ్యతిరేకంగా జర్నలిస్టుల ధర్నా

పోలవరం స్పిల్‌ వే ప్రాంతంలో పనులకు శ్రీకారం

ఏపీ చరిత్రలోనే అరుదైన ఘటన: మోపిదేవి

‘టెక్నాలజీకి రెండు వైపులా పదును ఉంటుంది’

ఆంధ్రప్రదేశ్
తెలంగాణ
సినిమా

‘జార్జి రెడ్డి’మూవీ రివ్యూ

మిస్‌ మ్యాచ్‌ పెద్ద విజయం సాధించాలి

నా గత వైభవాన్ని తీసుకొచ్చే సినిమా ఇది

పల్లెటూరిని గుర్తు చేసేలా...

దర్శకత్వం అంటే పిచ్చి

వేసవిలో క్రాక్‌