తిరుగు ప్రయాణం కొండంత భారం

17 Jan, 2019 03:08 IST|Sakshi

డిమాండ్‌ను క్యాష్‌ చేసుకునేందుకు ప్రైవేటు ట్రావెల్స్, ఆర్టీసీ పోటాపోటీ

మూడు, నాలుగు రెట్లు అధికంగా వసూలు చేస్తున్న ప్రైవేటు ట్రావెల్స్‌

ఫ్లెక్సీ ఫేర్‌ విధానంతో ప్రయాణికులను బాదేస్తున్న ఆర్టీసీ

రెగ్యులర్‌ చార్జీల కంటే అధికంగా వసూలు చేస్తున్న వైనం

సిటీ మెట్రో, ఆర్డినరీ కూడా ప్రత్యేక బస్సులే..

తీవ్ర ఇబ్బందులు పడుతున్న ప్రయాణికులు

నాలుగు రెట్లు అధికంగా వసూలు చేస్తున్న ప్రైవేటు ట్రావెల్స్‌

ఫ్లెక్సీ ఫేర్‌ విధానంతో ప్రయాణికులను బాదేస్తున్న ఆర్టీసీ

సాక్షి, అమరావతి/సాక్షి, నెట్‌వర్క్‌: సంక్రాంతి కోసం స్వస్థలాలకు వచ్చినవారి తిరుగు ప్రయాణం కొండంత భారం కానుంది. నేటి నుంచి ఈ నెల 20 వరకు ప్రయాణికులకు కష్టాలు తప్పేలా లేవు. డిమాండ్‌ను క్యాష్‌ చేసుకునేందుకు ప్రైవేటు ట్రావెల్స్, ఆర్టీసీ పోటాపోటీ పడుతున్నాయి. సాధారణ రోజుల్లో టిక్కెట్ల ధరల కంటే ప్రైవేట్‌ ట్రావెల్స్‌ నిర్వాహకులు మూడు, నాలుగు రెట్లు అధికంగా వసూలు చేస్తుండగా.. ఆర్టీసీ కూడా వ్యాపార ధోరణి ప్రదర్శిస్తోంది. రెగ్యులర్‌ బస్సులతో పాటు మూడు వేలకు పైగా ప్రత్యేక బస్సులు నడుపుతున్నట్లు ఆర్టీసీ ప్రకటించిన విషయం తెలిసిందే. అయితే ఈ రిజర్వేషన్లకు ఫ్లెక్సీ ఫేర్‌ విధానం(విమాన చార్జీల్లాగా పరిస్థితిని బట్టి రేట్లు అమలు చేయడం) ప్రవేశపెట్టింది. రెగ్యులర్‌ చార్జీల కంటే 150 శాతం అధికంగా వసూలు చేస్తోంది.  

సిటీ మెట్రో కూడా ప్రత్యేక బస్సే..! 
సంక్రాంతి పండుగ జరుపుకునేందుకు హైదరాబాద్‌ నుంచి ఏపీలోని అన్ని జిల్లాలకు 20 లక్షల మంది వచ్చారని అంచనా. వీరి తిరుగు ప్రయాణం కోసం అన్ని జిల్లాల నుంచి 1,100 ప్రత్యేక బస్సుల్ని నడుపుతున్నట్లు ఆర్టీసీ ప్రకటించింది. ఈ బస్సుల్లో రిజర్వేషన్లు దాదాపు పూర్తయ్యాయి. ప్రతిరోజూ హైదరాబాద్‌కు అన్ని జిల్లాల నుంచి 150 వరకు సర్వీసులు నడుపుతున్నారు. వీటితో పాటు గురువారం నుంచి నాలుగు రోజుల పాటు హైదరాబాద్‌కు 1,100 బస్సులు తిప్పుతున్నట్లు ప్రకటించారు. ఫ్లెక్సీ ఫేర్‌ అమలు చేయడం ద్వారా ప్రయాణికులను బాదేస్తున్న ఆర్టీసీ.. ప్రత్యేక బస్సుల పేరిట సిటీల్లో తిరిగే మెట్రో, సాధారణ బస్సుల్ని అందుబాటులో ఉంచింది. దీంతో ప్రయాణికులు గంటలకొద్దీ ఆ సీట్లలో నానా ఇబ్బందులు పడుతున్నారు. రిజర్వేషన్‌ సమయంలో ఏ బస్సు నడుపుతున్నారో కూడా సమాచారమివ్వకుండా వ్యాపార ధోరణి అవలంభిస్తోందంటూ ప్రయాణికులు మండిపడుతున్నారు. మరోవైపు రెగ్యులర్‌ సర్వీసులు కూడా సరైన సమయంలో తిప్పకుండా ప్రత్యేక బస్సుల్నే ఆర్టీసీ నడపడం గమనార్హం.

విజయవాడ నుంచి హైదరాబాద్‌ వెళ్లే బస్సు 3571 అమరావతి సర్వీస్‌ మధ్యాహ్నం 1.30కు బయల్దేరాల్సి ఉండగా.. ప్రత్యేక బస్సుకు ప్లాట్‌ఫాం కేటాయించి, ఈ బస్సును గంట పాటు పక్కన పెట్టారు. ఇక సంక్రాంతి హడావుడి ఎక్కువగా ఉండే పశ్చిమగోదావరి జిల్లాలోని 8 డిపోల నుంచి రోజూ 28 బస్సులు హైదరాబాద్‌కు రాకపోకలు సాగిస్తుంటాయి. పండుగ నేపథ్యంలో మరో 57 ప్రత్యేక సర్వీసుల్ని ఆర్టీసీ అధికారులు ఏర్పాటు చేశారు. అయితే బుధవారం వీటిలో చాలా వరకు సీట్లు మిగిలిపోయాయని ఆర్టీసీ రీజనల్‌ మేనేజర్‌ సుధాకర్‌ పేర్కొన్నారు. ఇక రాయలసీమలోని అనంతపురం జిల్లా నుంచి ప్రధాన నగరాలకు అదనంగా 50 ప్రత్యేక సర్వీసులు ఏర్పాటు చేశారు. అయితే ప్రత్యేకం పేరిట సిటీ మెట్రో బస్సులు పెట్టడంపై పలువురు ప్రయాణికులు మండిపడ్డారు. ప్రైవేటు ట్రావెల్స్‌ బాదుడు ఎక్కువ ఉండటంతో తప్పనిసరి పరిస్థితిలో వీటిలోనే వెళ్లాల్సి వస్తోందని వాపోయారు.  

మా కష్టాలు పట్టవా?  
కుటుంబసభ్యులు, బంధువులు, స్నేహితులతో సంక్రాంతి జరుపుకుందామని వస్తే.. ఇలా బాదేస్తున్నారని ఓ ప్రయాణికుడు ఆవేదన వ్యక్తం చేశాడు. ప్రభుత్వానికి మా కష్టాలు పట్టవా అని ఆగ్రహం వ్యక్తం చేశాడు. ప్రజా రవాణా వ్యవస్థ అయిన ఆర్టీసీకి ప్రభుత్వం తగిన చేయూతనిస్తే.. తమకు ఈ బాధలుండేవి కాదన్నాడు. 50 శాతం అదనంగా చార్జీలు వసూలు చేయకుండా.. అదనపు బస్సులు మరిన్ని ఏర్పాటు చేస్తే తమకు వెతలుండేవి కాదని మరో ప్రయాణికుడు వాపోయాడు. పోలవరం సందర్శన, సీఎం సభలకైతే ఇష్టారీతిన బస్సులు పెడతారని.. సామాన్యులను పట్టించుకోవట్లేదని ఆగ్రహం వ్యక్తం చేశాడు.  

ప్రభుత్వం ఆదేశాలిచ్చినా టోల్‌ ట్యాక్స్‌ వసూలు.. 
పండుగ సందర్భంగా 3 రోజుల పాటు వాహనదారుల నుంచి టోల్‌ ట్యాక్స్‌ వసూలు చేయబోమని ప్రభుత్వమిచ్చిన ఆదేశాలు అమలు కావడం లేదు. కృష్ణా జిల్లా కీసర టోల్‌ ప్లాజా సిబ్బంది ఎప్పటిలానే టోల్‌ట్యాక్స్‌ వసూలు చేస్తున్నారు. దీనిపై వాహనదారులు మండిపడుతున్నారు. తెలంగాణలోని పంతంగి, కొర్లపహాడ్‌ టోల్‌ప్లాజాల వద్ద ట్యాక్స్‌ వసూలు చేయడం లేదని.. రాష్ట్రంలో మాత్రం ఇష్టమొచ్చినట్లు ప్రవర్తిస్తున్నారని వాహనదారులు వాపోతున్నారు. కాగా, ఈ విషయంపై ప్లాజా సీవోఎం హరిపాండు రంగస్వామిని వివరణ కోరగా.. తమకు ఎటువంటి ఆదేశాలు రాలేదని చెప్పారు. నేషనల్‌ హైవే అథారిటీ ఆఫ్‌ ఇండియా ఉత్తర్వులు పాటిస్తున్నామన్నారు.

Read latest Andhra-pradesh News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

అఖిలపక్ష భేటీ: ఢిల్లీ చేరుకున్న వైఎస్‌ జగన్‌

బీపీఓలను గ్రామస్థాయికి విస్తరిస్తాం : మంత్రి గౌతమ్‌రెడ్డి

వీరింతే.... మారని అధికారులు

ఉపాధ్యాయుల భర్తీకి ప్రభుత్వం గ్రీన్‌సిగ్నల్‌

‘మృగశిర’ మురిపించేనా!

ర్యాగింగ్‌ చేస్తే...

డీఎస్సీ–18 అభ్యర్థులకు శుభవార్త

జాదూగర్‌ బాబు చేశారిలా..

ట్రాన్స్‌ఫార్మర్‌ అడ్డొచ్చిందని..!

అన్నిచేసి.. ఇప్పుడేమో నంగనాచి డ్రామాలు

ఆయుష్షు హరించారు!

తాగి ఊదితే...  ఊచల వెనక్కే!

ఒత్తిడి నుంచి ఉపశమనం..

కోడెల తనయుడి మరో నిర్వాకం

అధికారులు పరువు తీస్తున్నారు!

ఎట్టకేలకు ఆ డీఎస్సీకి మోక్షం!

బెల్టు తీయాల్సిందే

కొత్తది ఉన్నా ఇంకా పాతదానిలోనే..

అసెట్‌.. అడ్మిషన్లు ఫట్‌!

తింటే తంటాయే! 

లెక్క తేలాల్సిందే!

కోడెల వ్యవహారంపై టీడీపీ కీలక నిర్ణయం!

నాడు ఆధ్యాత్మిక గురువు.. నేడు అనాథ

ఏటీఎం@ మోసం

ఈ భోజనం మాకొద్దు

సీఎం ప్రకటనతో సంజీవనికి ప్రాణం

మగబిడ్డ పుట్టాడని ఆనందం..కానీ అంతలోనే

ఇక రిజర్వేషన్ల కుస్తీ..!

పట్టాలెక్కని సౌకర్యాలు 

దారుణం : 70 ఏళ్ల వృద్ధురాలిపై అత్యాచారయత్నం

ఆంధ్రప్రదేశ్
తెలంగాణ
సినిమా

ప్రభాస్‌ నెక్ట్స్ ఎవరితో..?

రాజ్‌ తరుణ్‌ కొత్త సినిమా ప్రారంభం

‘సంపూ’ సినిమా రిలీజ్ ఎప్పుడంటే!

రెక్కల సివంగి

ఏడేళ్లుగా ఇదే ఫిట్‌నెస్‌తో ఉన్నా!

ఫ్లాప్ డైరెక్టర్‌తో సాయి ధరమ్‌ తేజ్‌!