శింగనమల : మండలంలోని ఆకులేడు గ్రామంలో కుటుంబ కలహాలతో పెద్దన్న (60) ఆత్మహత్య చేసుకున్న ఘటన సోమవారం జరిగింది. కుమారుడి అప్పుల విషయంలో ఇంట్లో గొడవ పడడంతో మనస్థాపం చెంది, ఇంట్లోనే ఉరేసుకుని బలవన్మరణానికి పాల్పడ్డాడు. అతనికి భార్య, కుమారుడు, ఇద్దరు కుమార్తెలు ఉన్నారు. పోస్టుమార్టం నిమిత్తం మృతదేహాన్ని అనంతపురం సర్వజనాస్పత్రికి తీసుకెళ్లినట్లు పోలీసులు తెలిపారు.
